पत्रकार हत्या विरुद्ध रामेछापमा पनि विराेध सभा

काेसिस न्यूज १ वर्ष अगाडि १ वर्ष अगाडि

रामेछाप – एभिन्युज टेलिभिजनका फोटो पत्रकार सुरेश रजककाे राजावादी आन्दोलनकारीहरुले लगाएको आगाेमा परि मृत्यु भएपछि त्यसको बिरोधमा नेपाल पत्रकार महासंघले देशभर विराेध सभा गरेकाे छ ।

आन्दोलनकारीले पत्रकारलाई जिउँदै जलाएकाे र बिभिन्न मिडिया हाउसहरुमा आक्रमण गरेकाे भन्दै महासंघले आज देशभर विरोध सभा गरेकाे हाे ।

आन्दोलनमा परि पत्रकार रजककाे ज्यान गएपछि महासंघले स्थापना दिवसका अवसरमा तय गरेका पुर्वनिर्धारित कार्यक्रमहरु स्थगित गरेकाे छ । नेपाल पत्रकार महासङ्घले शनिवार ७० औँ स्थापना दिवस मनाउने कार्यक्रम रहेको थियो ।

शुक्रवार काठमाडौँको तीनकुने स्थित राजावादीहरूको प्रदर्शनमा पत्रकार सुरेश रजकको मृत्यु भएपछि महासंघले विरोधका कार्यक्रम गरेकाे हाे । महासघंको केन्द्रिय समितिकाे जारि गरेकाे सुचनाकाे अनुसार रामेछापमा पनि बिरोध कार्यक्रम गरिएको छ ।

महासंघले पत्रकार र मिडिया हाउसकाे रक्षा गर्न, प्रेस स्वतन्त्राकाे ग्यारेन्टी गर्न ,प्रेस माथिकाे आक्रमण बन्द गर्न माग गर्दै विराेध सभा गरेका थिए ।

क्याटेगोरी : समाचार, समाज