६१ वर्षीय महिलामाथि जबरजस्ती करणीकाे आरोपमा २१ वर्षीय युवक पक्राउ

काेसिस न्यूज २ हप्ता अगाडि २ हप्ता अगाडि

रामेछाप – ६१ वर्षीया एकल महिलामाथि जबरजस्ती करणी गरेको आरोपमा २१ वर्षीय युवक पक्राउ परेका छन् । करणी गरेर फरार रहेका युवकलाई बुधबार प्रहरीले प्रकाउ गरेकाे हाे ।

रामेछाप नगरपालिका ४ मा आफ्नै घरमा रहेकी ६१ वर्षीया महिलामाथि मंगलबार जबरजस्ती करणी गरी फरार रहेको इटहरी उपमहानगर पालिका १७ घर भएका २१ वर्षिय प्रेम बिसुन्खेलाई रामेछाप ४ बाेलुङ्बाेबाेलुुङमा मानिस नभएकाे घरमा गई लुकिछिपि बसेकाे अबस्थामा पक्राउ गरिएकाे रामेछाप प्रहरी प्रमुख सन्तुलाल जैसवारले जानकारी दिए ।

प्रहरीका अनुसार घटना भदौ २ गते भएको हो । बिसुंखे लिखु बृहत् खानेपानी आयोजनामा मजदुरका रूपमा काम गर्दै आएका थिए । घटनापछि उनी फरार भएका थिए।

घटनाबारे सूचना प्राप्त भएपछि इलाका प्रहरी कार्यालय धोबीँडाँडाबाट खटिएको प्रहरी टोलीले उनको खोजतलास सुरु गरेको थियो। खोजतलासका क्रममा युवकलाई घरमा लुकिछिपी बसेको अवस्थामा फेला पारी प्रहरीले नियन्त्रणमा लिएको हो ।

पक्राउ परेका बिसुंखेविरुद्ध जबरजस्ती करणीसम्बन्धी कसुरमा थप अनुसन्धान भइरहेको रामेछाप प्रहरी प्रमुख जैसवारले बताएका छन् ।

क्याटेगोरी : विविध, समाचार