कांग्रेसकाे चुनावी अभियान प्रभावकारी बनाउन वडा स्तरमा समिति बिस्तार

काेसिस न्यूज २ महिना अगाडि २ महिना अगाडि

रामेछाप — नेपाली काँग्रेस रामेछापले जिल्लाका उम्मेदवार रामचन्द्र खड्काको चुनावी अभियानलाई थप सशक्त , व्यवस्थित र प्रभावकारी बनाउन जिल्लाका सबै वडामा ५१ सदस्यीय वडा–स्तरीय निर्वाचन परिचालन समिति गठन गरेको छ।

पार्टीको निर्णयअनुसार गठन भएके उक्त समितिले वडा तहसम्म संगठन सुदृढ गर्दै घरदैलो, कोणसभा, मतदाता भेटघाट, युवा तथा महिला परिचालन लगायतका कार्यक्रमलाई प्रभावकारी ढंगले सञ्चालन गर्नेछ।
काँग्रेस रामेछापका जिल्ला सचिव बिनेद कार्किका अनुसार अभियानलाई परिणाममुखी बनाउन प्रत्येक वडामा संयोजक सहित ५१ सदस्यीय समिति गठन भएके छ । समितिमा पार्टीका सक्रिय कार्यकर्ता, भातृ तथा शुभेच्छुक संस्थाका प्रतिनिधि, युवा, महिला तथा अग्रज नेताहरुलाई समेटिएको छ।
उम्मेदवार रामचन्द्र खड्काले संगठनलाई वडा तहसम्म मजबुत बनाउँदै जनताको घर–आँगनमा पुगेर विकास, सुशासन र पारदर्शिताका एजेण्डा लिएर अघि बढ्ने बताए। “अबको चुनाव विचार र कार्यक्रमको प्रतिस्पर्धा हो, हामी जनताको भरोसा जित्ने गरी मैदानमा उत्रिएका छौँ,” उनले भने।
पार्टीले गठन गरिएका समितिहरूलाई तत्काल क्रियाशील भई मतदाता अभिमुखीकरण, चुनावी रणनीति कार्यान्वयनमा जुट्न निर्देशन दिएको छ। जिल्ला भरि अभियानलाई थप तिव्र बनाउने तयारीसँगै काँग्रेस रामेछापले चुनावी माहोल तताउन थालेको जनाएको छ।

क्याटेगोरी : राजनीति, विविध, समाचार