महिला दिवसमा सुनापतिका ५० उद्यमी महिला सम्मानित

काेसिस न्यूज १० महिना अगाडि १० महिना अगाडि

रामेछाप – ११५औँ अन्तर्राष्ट्रिय महिला दिवसको अवसरमा सुनापति गाउँपालिकाले पालिकाका ५० जना सफल महिला उद्यमीलाई सम्मान गरेको छ। विहिबार एक कार्यक्रममा पालिकाले पालिका भरिका सफल उद्यमी महिलालाई सम्मान गरेकाे हाे ।

महिला दिवसकाे अवसर पारेर पालिकाले विभिन्न क्षेत्रमा सक्रिय उद्यमी महिलाहरूलाई उत्प्रेरणा तथा प्रोत्साहन स्वरुप उनीहरुलाई सम्मान गरेको हाे । सम्मानित हुने उद्यमी महिलाहरु कृषि, पशु, माहुरी पालन, गलैंचा बुनाइ, हस्तकला लगाएतकाे क्षेत्रमा कार्यरत हुन । यसरी आफ्नै गाउँमा उद्यम गरेर स्वराेजगार हुनुका साथै रोजगारी सिर्जना गरेर आर्थिक समृद्धि तथा स्थानीय उत्पादनकाे प्रवर्द्धन गरेर महत्वपूर्ण भूमिका खेलेकाे भन्दै पालिकाले उनिहरुलाई सम्मान गरेको हो ।

सम्मान कार्यक्रमका प्रमुख अतिथि तथा संविधान सभा सदस्य धर्मशिला चापागाईंले महिलाहरु आफ्नेै सीप ,क्षमता र मेहनतले स्वरोजगार बन्न सफल भएकाेमा खुसि व्यक्त गर्दै जसका कारण आर्थिक समृद्धिमा योगदान पुगेकाे बताईन् । यसरी सफल भएका महिलाहरुकाे लागि पालिकाले सधै उत्प्रेरणा दिनु पर्ने बताइन् ।

त्यस्तै गाउँपालिका अध्यक्ष ठुलोकान्छा तामाङले महिला उद्यमशीलतालाई प्रवर्द्धन गर्न गाउँपालिकाले आगामी दिनमा थप योजना ल्याउने बताए । महिलाहरूलाई आर्थिक रूपमा आत्मनिर्भर बनाउनका लागि पालिका सधै सहयाेग गर्न तयार रहेकाे बताए ।

पालिका उपाध्यक्ष गीता विष्टले उद्यमी महिलाहरूलाई उद्योग संचालन गर्न आवस्यक पुजी , सीप तथा बजारका लागि पालिकाले सहजिकरण गरेर सहयोग गर्ने बताईन् ।

त्यस्तै उद्यमशीलताको विकास र सम्बर्द्धनका लागि आगामी वर्षहरुमा थप सहयाेग गर्दै जाने पालिकाका प्रमुख प्रशासकीय अधिकृत सुरेश श्रेष्ठ जानकारी दिए ।

सम्मानित महिलाहरूले पनि गाउँपालिकाले गरेको सम्मानप्रति खुसी व्यक्त गर्दै भविष्यमा आफ्नो व्यवसायलाई अझ विस्तार गर्ने प्रतिबद्धता जनाएका छन् । उनीहरूले उत्पादन भएका बस्तुहरुका लागि उचित बजार व्यवस्थापन गर्न अनुराेध गरे ।

क्याटेगोरी : समाचार, समाज