उत्पादनमा जाेड दिन मन्थली नगरलाइ सुझाव

काेसिस न्यूज ३ वर्ष अगाडि ३ वर्ष अगाडि

रामेछाप – मन्थली नगरपालिकालाइ आगामी आर्थिक वर्षकाे कार्यक्रममा कृषि उत्पादनकाे क्षेत्रमा जाेड दिनका लागि सुझाव दिएका छन् । अनउत्पादन क्षेत्रकाे लगानीबाट नगरकाे विकास नहुने भन्दै सहभागीहरुले उत्पादनकाे क्षेत्रमा लगानी बढाउन जाेड दिएका हुन ।

मन्थली नगरपालिकाले आर्थिक वर्ष २०८०/८१ का लागि नीति , कार्यक्रम , याेजना तथा बजेट तर्जुमा सम्बन्धी बुधबार सुझाव संकलन कार्यक्रमकाे आयाेजना गरेकाे थियाे । उक्त कार्यक्रम सहभागीहरुले मन्थली नगरपालिकाकाे समग्र विकासका लागि आवस्यक याेजना तथा कार्यक्रमहरुका विषयमा सुझाव दिएका थिए ।

कार्यक्रममा सहभागीहरुले मन्थली नगरपालिकाले आधुनिक कृषि प्रणाली अपनाउन र उत्पादनमा वृद्धि गरेर नगरलाइ आत्म निर्भर बनाउन सुझाव दिएका थिए । त्यसैगरी महिलाहरुलाई स्वराेजगारमुलक तालिम उपलब्ध गराउदै आर्थिक र सामाजिक रुपमा सशक्त बनाउन याेजना बनाउनु पर्ने बताएका थिए ।

साथै नगरमा भएकाे आन्तरिक स्राेत साधनकाे परिचालन गरेर आर्थिक उपार्जन हुने कामका लागि याेजना बनाउन सुझाव दिएका थिए । त्यस्तै नगरभित्र रहेकाे धार्मिक तथा पर्यटकीय क्षेत्रकाे विकास र प्रचार गरेर पर्यटन प्रबर्द्धनका लागि ध्यान दिनु पर्ने पनि सहभागीले बताएका थिए ।

मन्थली जिल्लाकाे ऐना भएकाे भन्दै मन्थली उदाहरणीय र नमुना बन्नु पर्ने भएकाले बजारकाे सरसफाइ ,सवारी व्यवस्थापन र सेवा प्रवाहकाे प्रभावकारीतामा समेत ध्यान दिन सहभागीहरुले सुझाव दिए । त्यस्तै शैक्षिक सुधार र खेलकुद विकासका लागि पनि नगरकाे ध्यानाकर्षण गराएका थिए ।

कार्यक्रममा मन्थली नगरपालिका प्रमुख लब श्रेष्ठले सबै सहभागीहरुकाे सुझावलाई संवाेधन गरेरै आगामी वर्षकाे निति तथा कार्यक्रम तयार गर्ने बताए । नगरपालिकाका बनाउन सबैकाे बराबर जिम्मेवारी हुने भन्दै पालिकालाई विकसित र सुन्दर बनाउन सबैलाइ सहयाेग गर्न समेत नगर प्रमुख श्रेष्ठले आग्रह गरे ।

कार्यक्रममा विभिन्न राजनितीक दल, संघ संस्था , उद्योग बाणिज्य , पत्रकार महासंघ लगाएतका प्रमुख तथा प्रतिनिधिहरुले सुझाव दिएका थिए ।

क्याटेगोरी : समाचार, समाज