जन्मदर्ता गर्न बाबू अनिवार्य नहुने , आमा सुचक भई आएमा इन्कार गर्न नपाइने

काेसिस न्यूज २ वर्ष अगाडि २ वर्ष अगाडि

काठमाडौ – सर्वाेच्च अदालतले जन्मदर्ताका लागि बाबू अनिवार्य नहुने र आमा सुचक भई आएमा इन्कार नगर्न आदेश दिएकाे छ । अदालतले स्थानीय पञ्जिकाधिकारीहरूलाई यस्ताे आदेश गरेको हाे।

अदालतले बाबुले इन्कार गरेमा वा फेला नपरे पनि आमा सूचक भई जन्म दर्ता गर्न आएमा छोराछोरीको जन्मदर्ता गर्न बाध्य हुने आदेश गरेको छ ।

धादिङ धुनिवेसीका करण केसीले दायर गरेको रिटमाथि प्रारम्भिक सुनुवाइ गर्दै अदालतले आमा सूचक भई निवेदकले जन्म दर्ता गर्न आएमा कानून बमोजिम जन्म दर्ता गर्न इन्कार नगर्न अन्तरिम आदेश दिएको हो । न्यायाधीश विनोद शर्माको एकल इजलासले यस्ताे अन्तरिम आदेश दिएकाे हाे । करन केसीको हकमा दिएको उक्त आदेशले बाबु ठेगान नभएको वा बाबुले इन्कार गरेका कारण जन्म दर्ताबाट बन्चित भएका बालबालिकाकाे हकमा पनि लागू हुने बाटो खुलेको छ ।

धादिङ धुनीवेसी गाउँपालिका ८ कार्यालयले आमा सूचक भई आएको अवस्थामा जन्म दर्ता प्रमाणित नगरेकाले आमा गंगा भण्डारीका छोरा करण केसी अदालतमा गएका थिए ।