बर्षासँगै जाेखिम बढेपछि जिल्ला प्रशासनद्वारा सतर्कता अपनाउन अनुराेध

काेसिस न्यूज ९ महिना अगाडि ९ महिना अगाडि

रामेछाप – जिल्ला प्रशासन कार्यालय रामेछापले जिल्लाभर दिउसो देखि भइरहेको भारी बर्षाका कारण नदि तथा खाेला किनास आसपास जाेखिम बढेकाले सर्वसाधारणलाई सतर्कता अपनाउन अनुराेध गरेकाे छ । बिहीबार दिउसाे देखि परेकाे बर्षाले बाढी परिहाेका जाेखिम बढेकाले सतर्कता अपनाउन अनुराेध गरेकाे हाे ।

त्यसैगरी चीनको तिब्बत क्षेत्रमा असार ७ गते सम्म भारी बर्षा हुने र त्यसबेला सुनकोशी नदीमा समेत बाढीको उच्च जोखिम हुने भएकाले सुनकोशी आसपासको क्षेत्रमा बसोवास गर्ने नागरिकलाई उच्च सतर्कता अपनाउन आग्रह जिल्ला प्रशासन कार्यालय रामेछापले सार्वजनिक सूचना जारी गर्दै आग्रह गरेको हो ।

प्रशासन कार्यालयबाट जारी सुचनामा सुनकोशी नदिमा बाढी आउदा रामेछापको सुनापति र खाँडादेवि गाउँपमलिका ,मन्थली र रामेछाप नगरपालिकाको नदि किनारमा रहेका बस्तीहरुमा जोखिम हुनसक्ने सम्भावना रहेकाे हुदा नदीको तटिय क्षेत्रमा बसोबास गर्ने नागरीकलाई सतर्कता अपनाउन अनुरोध गरिएकाे छ ।