रामेछापको सन्ताेषकाे साउदीमा मृत्युु ,उद्वारका लागि परिवारद्वारा अपिल

काेसिस न्यूज १० महिना अगाडि १० महिना अगाडि

रामेछाप- रामेछाप नगरपालिका ८ सल्लेका सन्तोष कुमार तामाङ्गको साउदी अरबमा सवारी दुर्घटनामापरी मृत्यु भएको छ । यहि जेठ १८ गते तामाङ्को दुर्घटनामापरी ज्यान गएको उनको परिवारीक श्रोतले जनाएको छ ।

साउदीमा सवारी चालककाे रुपमा रहेका ३४ वर्षिय तामाङ् रोजगारीको शिलशिलामा विगत ३ महिनादेखी साउदी पुगेबका थिए । मृतक तामाङ्का भाई तिर्थ तामाङ्गका अनुसार दाजुको शव नेपाल ल्याउन पहल भैरहेको छ । तर उनि कार्यरत कम्पनी खराब भएको कारण शव ल्याउन समस्या भएको बताए ।

तामाङ्काे ९ महिना अघि मात्र आमाको मृत्यु भएको र फेरि साउदीमा अचानक सन्ताेषकाे मृत्युले परिवार शोकमा डुबेको छ । मृतकका भाई भन्छन्,“आमाले हामीलाई छोडेर जानुभयो ,उहाँको उपचारका लागि ५० लाखभन्दा बढी खर्च गर्यौं,ऋण लियौँ ,घर,गहना सबै बेच्यौं, तर पनि बचाउन सकिएन । त्यो पीडा अझै मनमा थियो,अहिले फेरि अर्को बज्रपात पर्यो ।”

मृतक तामाङ्गको एक श्रीमती र ३ जना छोरीहरू छन् । छोरीहरुले बाबाको काख खोजिरहेका छन् । ऋण र शोकमा डुबेका तामाङ्ग परिवारले सबैमा सकेको सहयोग गरिदिन अपिल गरेका छन ।

पीडित परिवारको घाउमा मलम लगाउन आफुले सकेको सहयोग गर्नका लागी तलको क्युआर स्क्यान गरेर सहयोग गर्न सक्नुहुनेछ ।