दाेरम्बाबाट शव लिएर काठमाडौ जाँदै गरेकाे एम्बुलेन्स सित्खामा दुर्घटना ३ घाईते

काेसिस न्यूज ८ महिना अगाडि ८ महिना अगाडि

रामेछाप – दाेरम्बाबाट शव लिएर काठमाडौं जाँदै गरेकाे एम्बुलेन्स खाडादेवी ३ सित्खामा दुर्घटना भएकाे छ ।

बिहीबार बिहान १०:४० बजेकाे समयमा दाेरम्बाबाट शव लिएर काठमाडौं तरेफ जाँदै गरेकाे प्र ३- ०१-००२ झ ५८०३ नम्बरको एम्वुलेन्स खाँडादेवी ३ चारघरे स्थित सित्खा गोगनपानीकाे भित्री सडक खण्डकाे ओरालोमा सडकबाट अं. १०० मिटर तल झरी दुर्घटना भएकाे जिल्ला प्रहरी कार्यालय रामेछाप जनाएको छ । उक्त एम्वुलेन्समा सवार ४ जना मध्य ३ जना घाईते भएका छन् ।

घाइतेहुनेहरुमा एम्बुलेन्स चालक दोरम्वाशैलुङ्ग ३ बस्ने बर्ष २४ को सुरेश मगर ,दाेरम्बाशैलुङ्ग २ बस्ने बर्ष ४१ को नारायण बहादुर नेपाली र साही वडाका बर्ष ५३ को दिल बहादुर दमाई रहेका छन् । घाइतेहरूलाई थप उपचारका लागि धुलिखेल अस्पताल तर्फ पठाइकाे प्रहरीले जानकारी दिएकाे छ ।

उक्त एम्बुलेन्स र शव घटना स्थलमा नै रहेकाे र दुर्घटनाका विषयमा थप अनुसन्धान भइरहेको जिल्ला प्रहरी कार्यालय रामेछापका प्रवक्ता प्रहरी निरीक्षक काैसल न्याैपानेले जानकारी दिए ।

क्याटेगोरी : दुर्घटना, समाचार