रामेछाप खाँडादेविका एक पुरुषले गरे श्रीमतीकाे हत्या , छाेराछाेरी घाइते

काेसिस न्यूज १ वर्ष अगाडि १ वर्ष अगाडि

रामेछाप – खाँडादेवी गाउँपालिका ७ खाँडादेवीका पदमबहादुर तामाङले श्रीमतीकाे हत्या गरेका छन् भने छाेराछाेरी घाइते छन् ।

काठमाडौँको शंखरापुर नगरपालिका ९ सानागाउँमा बस्दै आएका तामाङले आइतबार राति करिब साढे ९ बजे श्रीमती माइती तामाकाे हत्या गरेको प्रहरीले जनाएको छ । हत्या पछि तामाङ भने फरार भएका छन् ।

५८ वर्षीय पदमबहादुरले ४५ वर्षीया माइती तामाङसँग २ महिना अघि मात्रै विवाह गरेका थिए । मृतक माइती राति पूर्व पति तर्फका दुई सन्तानसँग सुतेकी थिइन् ।

घाइते अवस्थामा भेटिएका ११ वर्षका छोरा र १० वर्षीया छोरीकाे भने काठमाडौँको ट्रमा सेन्टरमा उपचार भइरहेको छ । मृतकको शव पोस्टमार्टमका लागि त्रिवि शिक्षण अस्पतालमा पठाइएको जिल्ला प्रहरी परिसर काठमाडौँले जनाएको छ ।

क्याटेगोरी : समाचार, समाज