मन्थली बचतले स्थापना दिवसमा १ सय सदस्यलाई दिए विद्युतिय चुलाे

काेसिस न्यूज १ वर्ष अगाडि १ वर्ष अगाडि

रामेछाप – मन्थली बचत तथा ऋण सहकारी संस्थाले स्थापना दिवसको अवसरमा १ सय शेयर सदस्यलाई विद्युतीय चुलो वितरण गरेको छ । आइतबार २८ ओै स्थापना दिवसकाे अवसरमा आयाेजित कार्यक्रममा सदस्यहरुलाई विद्युतीय चुलाे प्रदान गरेकाे हाे ।

कार्यक्रमकी प्रमुख अतिथि जिल्ला समन्वय समिति रामेछापकी प्रमुख चिना खड्काले स्थापना दिवसकाे शुभकामना दिदै मन्थली बचतले समाजमा विभिन्न तवरबाट पुर्‍याएको योगदानकाे प्रशंसा गर्दै सदस्यहरुलाई ढुक्कले बचत गर्न पनि आग्रह गरिन् ।

सहकारीका अध्यक्ष गोविन्द प्रसाद घिमिरेको अध्यक्षतामा भएको उक्त कार्यक्रममा मन्थली नगरपालिका प्रमुख लव श्रेष्ठ,रामेछाप नगरपालिका प्रमुख लवश्री न्यौपाने मन्थली १ का वडा अध्यक्ष रामहरि पौडेल,जिल्ला बचत तथा सहकारी संस्थाका अध्यक्ष जगन्नाथ दाहाल लगायत नेपाल पत्रकार महासंघ रामेछापका अध्यक्ष दिपक घिमिरेले शुभकामना राख्नेक्रममा मन्थली साकोस सहकारीहरुका लागि उदाहरणीय भएकाे बताए थिए ।

संस्थाले संस्थामा सकृयता पुर्वक नियमित बचत गर्नै सदस्यहरू मध्यबाट १ देखि ५ सय सम्म सदस्य संख्या रहेका १ सय जना सदस्यलाई विद्युतीय चुलो प्रदान गरेकाे हाे । उक्त चुलाे कार्यक्रमकि प्रमुख अतिथि जिल्ला समन्वय प्रमुख खड्काले वितरण गरेकी थिइन् । साेही क्रममा सहकारीमा कार्यरत धाेबी शाखामा सुमन खड्कालाई उत्कृष्ट कर्मचारीकाे रुपमा सम्मान गरेकाे थियाे ।

२०५० सालमा ११ जना सदस्यहरुले रु १–१ हजार संकलन गरेर सुरु भएको उक्त संस्थामा हाल १७ हजार भन्दा बढि सदस्य संख्या रहेकाे छ ।