थामेमा भीषण बाढी, हिममपाेखरी फुटेकाे आशंका

काेसिस न्यूज २ वर्ष अगाडि २ वर्ष अगाडि

सोलुखुम्बु – साेलुखुम्बु पासाङल्हामु गाउँपालिका–५ स्थित थामे गाउँभन्दा माथीबाट भीषण बाढी आएको छ । शुक्रबार दिउँसो आएकाे भीषण बाढीले थामे गाउँका एक होटल र दुई घर बगाएको बताइएको छ ।

पालिकाका अध्यक्ष मिङ्मा शेर्पाका अनुसार थामे क्षेत्रमा पर्ने हिमपोखरी फुटेको अनुमान गरिएकाे छ । थामे गाउँमा बाढीले क्षति पु¥याएको र दुधकोशी नदीमा पानीको बहाव बढेकाे प्रमुख जिल्ला अधिकारी देवी पाण्डेले जानकारी दिए । उनले दुधकोशी नदीमा बाढी आइरहेकाले सचेत रहन तटीयक्षेत्रका स्थानीय वासिन्दालाई सचेत समेत गराइएको जानकारी दिईन ।

प्रजिअ पाण्डेका अनुसार नाम्चेबाट सुरक्षाकर्मी थामे तर्फ पठाइएको छ । स्थानीयले टाशीलाप्चा आधारशिविरमा रहेका हिमपोखरी फुटेको अनुमान गरेका छन् । क्षतिको एकिन विवरण आउन भने समय लाग्ने प्रहरीले जनाएको छ ।

क्याटेगोरी : समाचार, समाज