सिन्धुली – सिन्धुलीकाे कमलामाई नगरपालिका २ चियावारी नजिकै डबल क्याप बोलेरो दुर्घटना हुँदा ३ जनाको मृत्यु भएको छ । बिहीबार बिहान विपी राजमार्गको खुर्कोट खण्डकोमा बाेलाेरराे दुर्घटना हुदा ११ जना घाईते भएका छन ।
गोलञ्जोर गाउँपालिका वडा नं ६ नाकाजोलीबाट तरकारी लिएर सिन्धुलीमाढी तर्फ जाँदै गरेको बा २० च ८२८३ नम्बरको बोलेरो अनियन्त्रित भई सडकमै पल्टिएर दुर्घटना भएको थियो । बोलेरोमा सवार गोलञ्जोर ६ का वडा सदस्य उदय लुङ्गेली मगर र सोहि ठाउँका पृथ्वी भुजेलको घटना स्थलमै मृत्यु भएको हो भने सोहि ठाउँका पवन मर्साङ्गीकाे उपचारका क्रममा सिन्धुली अस्पतालमा मृत्यु भएको छ ।
घाईतेमध्ये २ जनाको अवस्था गम्भिर रहेको छ । पाँच जनाको अवस्था मध्यम र अन्य ४ जनाको अवस्था सामान्य रहेको जिल्ला प्रहरी कार्यालय सिन्धुलीले जनाएको छ ।
गम्भिर घाईते दुई जनालाई सिन्धुली अस्पतालमा प्रारम्भिक उपचार पछि थप उपचारका लागि धुलिखेल अस्पताल पठाइएको छ भने अन्य घाईतेहरुको सिन्धुली अस्पतालमा उपचार भईरहेको प्रहरीले जनाएकाे छ । गम्भिर घाईते हुनेमा गाडी चालक टिकाजंग राई र हिमाल परियारलाई धुलिखेल रिफर गरिएको जिल्ला प्रहरी कार्यालय सिन्धुलीका प्रमुख एसपी गोविन्दराज काफ्लेले बजानकारी दिए ।
दुर्घटनामा परि घाईते हुनेहरुमा गोलञ्जोर गाउँपालिका ६ का उदय लुंगेली मगर, मेनुका मगर, जिना श्रेष्ठ, धनमाया वाईवा, लिला मगर, समिना मगर, बन्दना कोईराला, राजन प्रसाद कोईराला र कमलामाई नगरपालिका वडा नं ५ की डम्बर कुमारी कार्की रहेको एसपी काफ्लेले बताए ।
क्याटेगोरी : समाचार, समाज
थप समाचार
ताजा अपडेट
- १ जिल्ला अस्पताल रामेछापमा एकै दिन १ सय ४५ ले लिए विशेषज्ञ सेवा
- २ विधि प्रकृया र प्रचलित कानुन बमोजिम काम गर्छाै : प्रजिअ पाैडेल
- ३ प्याब्सन रामेछापको अध्यक्षमा पुनः तिमल्सिना
- ४ रुद्राक्ष समाजद्वारा शैक्षिक सामग्री वितरण
- ५ लोकतान्त्रिक खेलकुद संघ रामेछापकाे अध्यक्षमा पाैडेल
- ६ टिफरबाट खसेर घाइते युवककाे मृत्यु
- ७ मानवीय रिपोर्टिङ सम्बन्धि तालिम
- ८ स्वर्गीय राजनारायणकाे स्मरणमा स्मृति ग्रन्थ
प्रतिक्रिया दिनुहोस