फर्पुकाे पहिरामा परि ३ जनाकाे मृत्यु

काेसिस न्यूज २ वर्ष अगाडि २ वर्ष अगाडि

रामेछाप – रामेछापको गोकुलगंगा गाउँपालिका–६ फर्पुकाे पहिराेमा परि ३ जना किशोरीकाे ज्यान गएकाे छ । बिहीबार साझ आएकाे पहिरोले एउटा घर पुर्दा एकै परिवारका तीन जना किशोरीको ज्यान गएको हाे ।

वर्षासँगै आएको पहिरोले स्थानीय विमान तामाङको घर पुर्दा घरमा रहेकी विमानकी छोरी १८ वर्षीय सिता तामाङ तथा नातिनीहरू १५ वर्षीय लक्ष्मी र १३ वर्षीय आसिकालाई पहिरोले पुरेको हाे । साँझ ७ः३० बजेतिर घरमाथिबाट आएकाे पहिरोले घर भत्किँदा उनीहरूलाई पुरेको फर्पुका वडा अध्यक्ष चन्द्र सुनुवारले जानकारी दिए ।
घटनामा पुरिएका तीनै जनाको शव फेला परेको सुनुवारले जानकारी दिए ।

घटनाको बारे थाहा पाउने बित्तिकै जिल्ला प्रहरी कार्यालय रामेछापका प्रमुख डिएसपी प्रदीपकुमार सिंह नेतृत्वको टोली घटनास्थल तर्फ गएको भए पनि वर्षाकाे कारण घटनास्थलमा पुग्न नसकेकाे प्रहरीले जनाएकाे छ । उता प्रहरी चाैकी बेतालीकाे टोली केही समय अघि घटनास्थलमा पुगेको छ ।

क्याटेगोरी : समाचार, समाज