रामेछाप – क्रियाशील पत्रकार महिला (WWJ) रामेछापले जिल्लामा त्रियाशील पत्रकार महिलाको लागि एक दिने समाचार लेखन सीप विकास तालिम प्रदान गरेको छ । तालिम मन्थली नगरपालिकाको सहयोगमा बुधबार जिल्लाका २१ जना पत्रकार महिलालाई प्रदान गरिएको हो ।
जिल्लाका विभिन्न मिडियामा कार्यरत पत्रकार महिलाको लागि समाचार लेखन सीपमा अभिबृद्धी गर्ने उद्देश्यले उक्त तालिम संचालन गरिएको हो । तालिम कार्यक्रममा उत्घाटन गर्दै मन्थली नगरपालिका प्रमुख लब श्रेष्ठले पत्रकारीतामा निखार ल्याउनका लागि तालिम कार्यक्रमले सहयोग पुग्ने धारणा व्यक्त गरे । त्यसैगरी पत्रकार आफै पनि नयाँकुराको खोजि गर्न र नयाँकुरा सिक्न जागरुक हुनुपर्ने बताए ।
त्यसैगरी तालिम कार्यक्रम समापनमा बोल्दै मन्थली नगरपालिका उपप्रमुख इश्वरी बस्नेतले पत्रकार महिलाहरुको पेशागत क्षमता अभिबृद्धीका नगर सधै सबैखाले सहयोग गर्ने प्रतिबद्धता व्यक्त गरिन ।
तालिममा नेपाल पत्रकार महासंघ रामेछापका पुर्व अध्यक्ष टीका प्रसाद भट्ट , नवराज पथिक ,जनजाति पत्रकार महासंघ बागमती प्रदेशका अध्यक्ष युवराज श्रेष्ठ र प्रेस युनियन केन्द्रीय सदस्य रिता मगरले सहजिकरण गरेका थिए ।
त्यसैगरी तालिमा सहभागि सीता कार्कीले तालिमले समाचार संकलन गर्न ,समाचार लेखन र समाचार सम्पादन गर्न सहयोग पुगेको बताइन । उनले यस अघि समाचार लेखन तथा संकलनमा समेत विभिन्न किसिमको समस्या भोगेको सुनाइन । समाचारको विषय पहिचान गर्न नसकेर समेत सामाचार नलेखेको अनूभव सुनाइन ।
त्यस्तै तालिमकी अर्की सहभागि शर्मीला विशुन्केले पत्रकारीता सिक्दै गरेको नयाँ पत्रकारका लागि तालिम प्रयाप्त नभएको बताइन् । उनले नयाँ पत्रकारका लागि लामो अवधिको तालिमको आवस्यक पर्ने बताएकी हुन् ।
क्याटेगोरी : समाचार, समाज
थप समाचार
ताजा अपडेट
- १ प्रधानमन्त्री दैवी प्रकोप उद्धार कोषमा रकम सहयोग गरेको भन्दै नक्कली स्टेटमेन्ट बनाउने पक्राउ
- २ नन्दप्रसाद–जानुका फाउन्डेशनको तेस्रो पुस्तक ‘दोलखाका लोकनायकहरू’ सार्वजनिक
- ३ उमाकुण्ड–४ को नवनिर्मित वडा कार्यालय भवन उद्घाटन
- ४ ६१ वर्षीय महिलामाथि जबरजस्ती करणीकाे आरोपमा २१ वर्षीय युवक पक्राउ
- ५ ‘न्यायिक समितिको सारथी’ उत्कृष्ट पुस्तकका रूपमा पुरस्कृत
- ६ लागू पदार्थ सेवन गरी सवारी चलाउने चालक पक्राउ
- ७ संगीत राेयल्टीकाे नाममा रेडियोकर्मीलाई मुद्दा नचालाउन सर्वाेच्चकाे आदेश
- ८ कर्मचारी र जनप्रतिनिधि बिचकाे समझदारी बिना स्थानिय तहमा समृद्धिकाे सम्भावना छैन : उपाध्यक्ष सुनुवार
प्रतिक्रिया दिनुहोस