आज रातिदेखि धरानमा निशेधाज्ञा लागुहुने

काेसिस न्यूज ३ वर्ष अगाडि ३ वर्ष अगाडि

जिल्ला प्रशासन कार्यालय सुनसरीले धरानमा आज राति १२ बजे देखि भोली भाद्र ९ गते राती १२ बजे सम्मका लागि निषेधाज्ञा लागू गर्ने भएकाे छ । केही समयदेखि धरानमा धार्मिक तथा सांस्कृतिक विवाद चर्किदै आएकाले रातिदेखि निशेधाज्ञा लागू गरेकाे हाे ।

जिल्ला प्रशासन कार्यालय सुनसरीले स्थानिय प्रशासन ऐन २०२८ को दफा ६ को उपदफा ३ बमोजिम आज एक सुचना जारी गर्दै उक्त निशेधाज्ञा जारी गरेकाे हाे । धरानमा पछिल्लो चर्किएको धार्मिक तथा सास्कृतीक विवादले शान्ति सुरक्षामा गम्भिर असर पर्ने देखिएपछि प्रशासनले निशेधाज्ञा जारी गरकाे सुचनामा उल्लेख गरिएकाे छ ।

पहिचानबादीहरुले सार्वजनिक रुपमा गोरु भोज गरेपछि हिन्दु धर्म सम्बद्ध पक्षले भोली ९ गते धरानमा कार्यक्रम राखेको थियो । धरानमा गौ रक्षाका लागि हुने कार्यक्रममा धरानबाहिरबाट समेत सहभागि हुने र धरानमा मुडभेटको अबस्था आउन सक्ने भएपछि जिल्ला प्रशासनले निषेधाज्ञा जारी गरेको हो ।

जिल्ला प्रशासन कार्यालयले धरान भित्र हिडडुल गर्न परे स्थानिय प्रशासनको स्वीकृती लिनु पर्ने भन्दै धरान प्रबेश गर्ने चार वटै नाका शिल गरेको छ । चतराबाट धरान आउने झण्डा चौक,नहडा,पानीपिया तथा भेडेटार क्षेत्रबाट आजराती १२ बजे देखि धरान प्रबेश गर्न निषेध गरिएको जिल्ला प्रशासन कार्यालयले जारी गरेको आदेशमा उल्लेख छ । यसैविच शुक्रबार धरानका राजनैतिक दलहरुले प्रेस विज्ञप्ति जारी गर्दै वार्ता र सम्बादका माध्यमबाट समस्या समाधान गर्न सबैपक्षलाई आग्रह समेत गरेका छन् ।