रामेछाप — रामेछाप जिल्लामा शुक्रबारदेखि वडाबाटै राष्ट्रिय परिचयपत्र बनाउने अभियान सुरु भएको छ । राष्ट्रिय परिचयपत्र तथा पञ्जिकरण विभागले जिल्ला प्रशासन कार्यालयको समन्वयमा उक्त अभियान सुरु गरेको हो ।
शुक्रबार मन्थलीमा आयोजित कार्यक्रममा विभागका महानिर्देशक तीर्थराज भट्टराईले अभियान अन्तर्गत जिल्लाका ६४ वटै वडा र जिल्ला प्रशासन कार्यालयमा विषेश टोली परिचालन गरेर अभियान सुरु गरेकाे बताए ।
एउटा वडामा बढीमा १५ दिनभित्र अधिकांश नागरिकको राष्ट्रिय परिचयपत्रका लागि फोटो खिचाउने काम हुने र त्यसका लागि एकै साथ ३५ वटा टोली परिचालन गर्ने तयारी भएको महानिर्देशक भट्टराईले जानकारी दिए ।
वडा केन्द्र वा पालिकाले तय गरेको स्थानमा रहेर टोलीले काम गर्ने बताइएको छ । एउटा वडाको अधिकांशको परिचयपत्रको फोटो खिचाउने काम सकेपछि टोली अर्को स्थानमा पुग्ने उनले जानकारी दिए । भट्टराईले जिल्लामा करिब ३ महिनाको अवधिमा राष्ट्रिय परिचयपत्र अद्यावधिक गर्ने, सामाजिक सुरक्षा र व्यक्तिगत घटना दर्ताको काम हुने उनले बताएका छन् ।
कार्यक्रममा प्रमुख जिल्ला अधिकारी शोभाखर रेग्मीले राष्ट्रिय परिचयपत्र बनाउनका लागि हुने गरेको भीड अन्त्य गर्न विभागसँगको सहकार्यमा अभियान संचालन गर्न लागिएको जानकारी दिए । अभियानको क्रममा आउने सानातिना समस्या समाधान लागि जनप्रतिनिधि र स्थानीयकाे सहयोगकाे अपेक्षा गरेकाे बताए ।
विभागले हालसम्म देशभर करिब १ करोड नागरिकको विववरण संकलन गरिसकेको छ । विभागका निर्देशक कृष्ण पौडेलका अनुसार ४१ जिल्लामा परिचयपत्रको काम सकिएको र १३ जिल्लामा संचालन भइरहेको छ।
विभागले परिचयपत्रका लागि फोटो खिचाए पनि हालसम्म कार्ड वितरण भने गरेको छैन । पौडेलका अनुसार ३० लाख कार्ड आइपुगेकोले अब विभागले वितरणको समेत तयारी गरिरहेको छ ।
क्याटेगोरी : समाचार, समाज
थप समाचार
ताजा अपडेट
- १ गुम्देलमा भिषण डढेलो , नियन्त्रणको प्रयास असफल
- २ १२ निर्माण व्यवसायी कालाेसुचिमा
- ३ अमेरिकी उपविदेशमन्त्रि नेपाल आउदै
- ४ रास्वपाकाे कार्यवाहक सभापतिकाे जिम्मेवारी अर्याललाई
- ५ एकैदिन दुई विद्यालय हस्तान्तरण
- ६ आत्मदाहकाे प्रयास गरेका प्रेम आचार्यकाे मृत्यु
- ७ रामेछाप जेसिजद्वारा विद्यार्थीका लागि ट्राक सुट वितरण
- ८ बागमती प्रदेश स्तरीय भलिबल प्रतियोगितामा चिवतन प्रथम
प्रतिक्रिया दिनुहोस