बैंकिङ कसुरमा ४० लाख जरीवाना भएका श्रेष्ठ पक्राउ

काेसिस न्यूज माघ ११, २०७८ १:२४ pm

रामेछाप – उच्च अदालत पाटनबाट बैंकिङ कसूर मुद्धामा ४० लाख रुपैँया सहित १० दिन कैद सजाय ताेकिएका तोरण बाबु श्रेष्ठलाई प्रहरीले पक्राउ गरेको छ ।

रामेछापको सुनापती गाउपालीका ५ घर भएका ४४ वर्षीय श्रेष्ठ हाल काठमाण्डौ बस्दै अाएका थिए ।
श्रेष्ठ मंगलबार काठमाडौंबाट रामेछाप आउदै गर्दा बिशेष सुचनाको आधारमा रामेछापको लुभुघाटबाट प्रहरीले पक्राउ गरेको जिल्ला प्रहरी कार्यालय रामेछापले जनाएको छ ।

उच्च अदालत पाटनले २०७७ जेठ २७ गते श्रेष्ठलाई बैंकिङ् कसूर तथा सजाय ऐन २०६४ बमोजिम १० दिन कैद र ४० लाख रुपैँया जरिवानाको फैसला गरेको थियो । श्रेष्ठले आफ्नो खातामा पर्याप्त मौज्दात रकम नभएको जानी–जानी झुक्यानमा पारी पीडितलाई चेक दिएका थिए । उक्त फैसला कार्यान्वयनको लागि आजै श्रेष्ठलाई सम्मानित रामेछाप जिल्ला अदालतमा पेश गरिएको जिल्ला प्रहरी कार्यालयका प्रमुख प्रहरी नायव उपरीक्षक नवराज ढुङ्गानाले जानकारी दिएका छन् ।

क्याटेगोरी : समाचार, समाज