रसुवामा आएकाे बाढीमा १५ जना बेपत्ता

काेसिस न्यूज ११ महिना अगाडि ११ महिना अगाडि

रसुवा – नेपाल चिन समानाकाे भाेटेकाेशी नदीमा आज बिहान आएको बाढीमा परि १५ जना बेपत्ता भएका छन् भने ठूलाे धनजनकाे क्षति भएकाे छ ।

रसुवाका प्रमुख जिल्ला अधिकारी अर्जुन पौडेलका अनुसार चारजना चिनियाँ कामदारसहित १५ जना बेपत्ता भएका छन् । बेपत्ता हुनेमा २ जना प्रहरी पनि रहेकाछन् । भने ९ जनाको उद्धार गरिएकाे बताए ।

बाढीले नेपाल र चीनको सीमा नाकामा रहेको मितेरी पुल पनि बगाएको छ । पुल बगाएपछि नेपाल चीन सम्पर्क विच्छेद भएको छ ।

ड्राइपोर्ट क्षेत्रमा पनि बाढीले क्षति पुर्‍याएको छ । त्यहाँ जाँचपासका लागि राखिएका गाडीहरु पनि बगाएको जिल्ला प्रहरी कार्यालय रसुवाले जनाएको छ ।

तिब्बती क्षेत्रमा भएको बर्षापछि बाढी आएको अनुमान प्रहरीले गरेको छ। बाढी वर्षाको कारणले आएको हाे या अन्य कारणले यकिन भइसकेको छैन।

क्याटेगोरी : समाचार, समाज