रामेछाप नगर खेलकुद विकास समितिकाे संयाेजकमा कार्की नियुक्त

काेसिस न्यूज २ वर्ष अगाडि २ वर्ष अगाडि

रामेछाप – रामेछाप नगरपालिकाको खेलकुद विकास समितिको संयोजकमा केदार कार्की नियुक्त भएका छन् । शुक्रबार रामेछाप नगरपालिकाका प्रमुख लबश्री न्यौपानेले कार्कीलाई नगर खेलकुद विकास समितिको संयोजकमा नियुक्त गरेकाे हो ।

रामेछाप नगरपालिकाकाे नगर प्रमुख स्तरिय बैठकबाट निर्णय भई खेलकुद बिकास समिति सञ्चालन निर्देशिका ,२०७९ बमाेजिम नगर खेलकुद समिति संयाेजकमा कार्कीलाई नियुक्त गरिएकाे पालिकाका सुचना अधिकारी हाेम बहादुर थापाले जानकारी दिए ।

खेलकुद संयाेजकलाई नियुक्त गर्दै नगर प्रमुख न्यौपानेले सुस्ताएको खेलकुदको गतिविधिलाई चलायमान बनाउन सबै पक्षहरुसँग समन्वय र सहकार्य गरेर काम गर्न आग्रह गरे ।

कार्की रामेछाप नगरपालिका वडा नं ८ को निवर्तमान वडा अध्यक्ष ,नेपाली कांग्रेस रामेछाप नगरपालिकाका उपसभापति र रामेछाप जिल्ला तेक्वान्दो संघका अध्यक्षकाे समेत भूमिका रहेका छन् ।

क्याटेगोरी : खेलकुद, समाचार