सिवालयमा शिवमहापुराण

काेसिस न्यूज ३ वर्ष अगाडि ३ वर्ष अगाडि

रामेछाप । हिन्दु धर्मबालम्वीहरुको पवित्र तिर्थस्थलको रुपमा रहेको भगवान शिवका १२ ज्योेतिर्लिङ्ग मध्येको एक रामेछापको घुस्मेश्वर सिवालय मन्दिरमा एकादसदिवसीय श्रीमद्शिव महापुराण ज्ञान महायज्ञको आयोजना गरिएको छ ।
भगवान शिवका नेपालमै १२ ज्योतिर्लिङ्ग भएको दावि गर्दै त्यसको प्रचार र विकास गराउनका लागि उक्त शिव महापुराणको आयोजना गरिएको हो । उक्त महापुराणमा नेपालका प्रथम जगतगुरु अनन्त श्री विभुषित बालसन्त मोहनशरण देवाचार्य महाराजश्री ले धार्मिक प्रवचन दिदै आउनु भएको छ । उहाँले नेपालमै शिवका १२ वटा ज्योतिर्लिङ्ग रहेको दावि गर्दै हिन्दु हरुले महादेव शिवको दर्शनका लागि भारतका विभिन्न स्थानमा धाउनु नपर्ने वताउदै आउनु भएको छ ।
गोकुलगंगा १ चुचुरेमा रहेको उक्त मन्दिर परिसरमा आयोजित शिवमहापुराणमा देवाचार्य पुरुषोत्तम सापकोटा लगाएतका पण्डितहरुबाट श्रीमद्भभागवतको कथा श्रवण भइरहेको अध्यक्ष पुण्यवहादुर कार्कीले वताए । उक्त एकादसदिवसीय शिव महापुराणमा सयौं श्रद्धालुभक्तजनले कथा श्रवण गर्नुको साथै स्वच्छिक दान गरेका छन् ।

क्याटेगोरी : समाचार, समाज