रामेछापमा बस दुर्घटना ९ जनाकाे मृत्यु २४ घाइते

काेसिस न्यूज ४ वर्ष अगाडि ४ वर्ष अगाडि

रामेछाप – रामेछाप जिल्लाकाे सुनापति गाउपालिकाे लुभसघाट नजिकै यात्रुबाहक बस दुर्घटना हुदा ९ जनाकाे मृत्यु भएकाे छ, भने २४ जना घाइते भएका छन् ।

मंगलबार बिहान सुनापतिबाट काठमाडौ तर्फ जाँदै गरेकाे बा ३ ख ८३९६ नम्बरकाे यात्रुबाहक बस हिलेदेवीबाट काठमाण्डाैं तर्फ जांदै गर्दा सुनापती ५ र खाँडादेवी १ को सिमानाकाे मोडमा दुर्घटना भएकाे हाे ।

बस अचानक सडकबाट अं.३०/३५ मिटर तल खस्न गई दुर्घटना भएको जिल्ला प्रहरी कार्यालय रामेछापले जानकारी दिएकाे छ । घटना स्थलमै ४ महिला सहित ९ जना मृत्यु भएकाे छ । घाइते २४ जनालाई भने उपचारका लागि धुलिखेल अस्पताल पठाएकाे र थप विवरण भने अाउन बाकी रहेकाे प्रहरीले जनाएकाे छ ।

दुर्घटनाकाे खबर प्राप्त हुनासाथ जिल्ला प्रहरी कार्यालय रामेछापबाट प्रहरी नायव उपरिक्षकको राजकुमार थिङकाे नेतृत्वमा प्रहरी घटना स्थालमा पुगेकाे थियाे । उक्त प्रहरी टाेलीले बसमा सवार २४ जना घाइतेहरुकाे उद्दार गरि उपचारका लागि धुलिखेल अस्पताल पठाएकाे प्रहरीले जनाएकाे छ ।

बसमा कति यात्र सवार थिए र अन्य कति व्यक्ति घाईते छन् भन्ने सम्बन्धमा बुझ्ने कार्य भईरहेको जिल्ला प्रहरी कार्यालय रामेछापले जानकारी दिएकाे छ । घटना स्थल
प्रहरी चौकी लुभुघाटबाट अं. २०० मिटर उत्तर पर्ने र जिल्ला प्रहरी कार्यालयबाट बाट अं. ५५ कि.मि.पश्चिम पर्दछ ।

क्याटेगोरी : समाचार, समाज