राष्ट्रपति रनिङ सिल्डकाे उपाधि मन्थली माविलाई

काेसिस न्यूज २ वर्ष अगाडि २ वर्ष अगाडि

रामेछाप – रामेछापको मन्थलीमा सम्पन्न छैटौं राष्ट्रपति रनिङ शिल्डकाे उपाधि मन्थली माविले हात पारेको छ । मन्थली नगरपालिकाले आयोजना गरेकाे उक्त प्रतियोगितामा मन्थली मावि उपाधि हात पार्न सफल भएको हाे ।

प्रतियोगितामा तामाकोशी बोर्डिङ स्कुल दोस्रो स्थान हासिल गरेकाे छ भने कर्कला देवी इङलिस बोर्डिङ स्कुलले तृतिय स्थान हासिल गर्न सफल भएकाे छ।

प्रथम,द्वितिय र तृतिय हुनेहरुलाई क्रमश: २० हजार, १५ हजार र १० हजार नगद सहित शिल्ड,मेडल,ट्रफि र प्रमाणपत्र प्रदान गरिएको छ ।

उक्त प्रतियोगितामा नगरका २२ वटा विद्यालयले भाग लिएका थिए । विद्यालयले यस अघि पनि लगातार २ पटक रनिङ शिल्ड जितिसकेको छ । उक्त प्रतियोगितामा भलिवल, कबर्दि, तेक्वान्दो, उस्सु र एथलेटिक्स लगाएतका खेलहरु खेलाइएको थियो ।

यसैविच भलिवल तर्फ भने सेतीदेवी मावि सालु उत्कृष्ठ बनेको छ । मन्थली मावि र सेतीदेवी मावि सालु बिच भएको फाइनल खेलमा सालु ले मन्थलीलाई हराउदै भलिवल तर्फको उत्कृष्ठ बिद्यालय बनेको हो ।

क्याटेगोरी : खेलकुद, समाचार