कराते महासंघ रामेछापको अध्यक्षमा शुक्र माझी चयन

काेसिस न्यूज ३ वर्ष अगाडि ३ वर्ष अगाडि

रामेछाप – नेपाल कराते महासंघ रामेछापको अध्यक्षमा शुक्र माझी चयन भएका छन् । खेलकुद विकास समिति रामेछापको बिहीबार सम्पन्न बैठकले माझीलाई महासंघकाे अध्यक्ष पदमा चयन गरेको हो ।

जिल्ला खेलकुद विकास समितिका अध्यक्ष सरोज गाहामगरको विशेष उपस्थितिमा बसेको बैठकले शुक्र माझीको अध्यक्षतामा ११ सदस्यीय समिति गठन गरेको खेलकुद विकास समिति रामेछापले जनाएको छ ।

समितिकाे उपाध्यक्षमा मकर बहादुर श्रेष्ठ (क्वान मुकान) र ज्ञानबहादुर थापामगर (वादोरियो) सचिवमा मनीकुमार सुनुवार (सितोरियो) रहेका छन् । त्यस्तै कोषाध्यक्षमा कुमार चौलागाई (गोजुरियो) चयन भएका छन् भने सदस्यहरुमा राजु भुजेल (सितोरियो), इन्द्र रोजन मगर (वादोरियो), विमल सिजाली मगर (सितोरियो), रोजी वि.क. (सितोरियो), उत्तम कुमार श्रेष्ठ (सितोरियो) र सदिक्षा खड्का (सितोरियो) सदस्यमा चयन भएका छन् ।

त्यस्तैगरि निर्वतमान अध्यक्ष हिमालय योन्जन,, गोपाल बहादुर माझी र सरोज गाहमगरलाई सल्लाहकार समितिमा मनोनयन गरेको छ ।

जिल्लामा पछिल्लो समय खेलकुदका गतिविधि बढेसंगै महासङ्घले शुक्र बहादुर माझी, मकर बहादुर श्रेष्ठ, ज्ञान थापा मगर, मणिकुमार सुनुवार र सन्जना माझीलाई महासङ्घको विधान अनुसार प्रदेश समितिका लागि पनि सिफारिस गरेको छ ।

क्याटेगोरी : खेलकुद, समाचार