नवलपरासीबाट प्रदेश सभा सदस्यका लागि श्रमिक नेता यादव सिफारिस

काेसिस न्यूज ४ वर्ष अगाडि ४ वर्ष अगाडि

काठमाडौ – आगामी मंसिर ४ गते हुने निर्वाचनकोलागी नेपाली कांग्रेस नवलपरासी क्षेत्र न.-२, प्रदेश ” ख” बाट समानुपातिक उम्मेदवारमा श्रमिक नेता अयोध्या प्रसाद यादवलाई सिफारिस गरेका छन् ।

क्षेत्रीय समितिको निर्णयलाई जिल्ला समितिको भाद्र २० गते बसेको बैठकले समेत यादवलाई समानुपातिक तर्फको उम्मेदवारमा सिफारिस गरेको हो । यादव यस अघिको निर्वाचनमा पनि समानुपातिकतर्फको उम्मेदवार थिए । अयोध्या प्रसाद यादव नेपालको श्रमिक आन्दोलनमा चिरपरिचित नाम हो । लामो समयदेखि श्रमिकको हकहितका लागि क्रियासिल यादव ट्रेड युनियन कांग्रेसका निवर्तमान उपाध्यक्ष हुन् ।

यादव श्रमिक आन्दोलन भित्र हक्की स्वभावका कारण आम श्रमिकमाझ लोकप्रिय छन् । पछिल्लो समय श्रमिक आन्दोलनसंगै कांग्रेस राजनीतिमा समेत सक्रिय छन् ।

क्याटेगोरी : राजनीति, समाचार, समाज