वन महासंघकाे सल्लाहकारमा कार्की सहित ७ जना मनोनित

काेसिस न्यूज ३ वर्ष अगाडि ३ वर्ष अगाडि

रामेछाप – रामेछाप सामुदायिक वन उपभोक्ता महासंघ नेपाल (फेकोफन) ले नारायण कार्कीको संयोजनमा ७ सदस्यीय सल्लाहकार समिति गठन गरेको छ । महासंघ रामेछापको २० गते मन्थलीमा बसेकाे बैंठकले सदस्यहरु मनाेनित गरेर समिति गठन गरेकाे हाे ।

महासंघकाे सल्लाहकार सदस्यहरुमा ढालविक्रम कार्की, इन्द्रावती मोक्तान, रत्न प्रसाद कँडेल, धिरबहादुर थापा (रविन), निर्मला श्रेष्ठ र बद्री नयाँघरे रहेकाछन् । मनोनित सदस्यहरु यसअघि महासंघकाे विभिन्न संरचनामा रहेर कार्य गरिसकाे र सामुदायिक वन अभियन्ता रहेकाे जिल्ला महासंघका सचिव गंगा कार्कीले जानकारी दिएकी छिन् ।

सचिव कार्कीका अनुसार सामुदायिक वन उपभोक्ता महासंघ नेपाल (फेकोफन) को स्थापना दिवसको सन्दर्भमा आयोजना गरेको बैठकले महासंघको केन्दीय कार्यसमितिमा जिल्लाबाट निर्वाचित केन्द्रीय सदस्य दुर्गा बहादुर श्रेष्ठ र हर्कमाया माझी तथा बागमती प्रदेश महासंघको अधिवेशनबाट प्रदेश महासचिवमा निर्वाचित दिपशिखा दाहाल, सदस्यहरु मिना ढुंगेल, श्यामकुमार कार्की र सरोज फुयाललाई बधाई तथा शुभकामना सहित सम्मान पत्र प्रदान गरेकाे छ ।

बैठकमा रामेछाप सामुदायिक वन उपभोक्ता महासंघ रामेछापका नवनिर्वाचित अध्यक्ष ज्ञानबहादुर खड्काको अध्यक्षतामा बसेको थियाे ।

क्याटेगोरी : विविध, समाचार