देउसी खेलेकाे पैसाले खाजा खाएर आफ्नाे गाउँ आफै जाेगाऊ अभियानमा गाइखुराका माझी

काेसिस न्यूज १ वर्ष अगाडि १ वर्ष अगाडि

रामेछाप – मन्थली नगरपालिका ८ गाइखुराका माझीहरु आफ्नाे गाउँ आफै जाेगाऊ भन्दै गाउँ जोगाउँन माझीहरु जुटेका छन् । गएको बर्ष तामाकोसी नदिमा आएको बाढीका कारण जोखिममा परेको आफ्नो गाउँ जाेगाऊन माझीहरु तटबन्ध निर्माणका लागि श्रमदानमा जुटेका छन् ।

तामाकोसी नदीकिनारमा रहेकाे गाइखुरा बस्तीमा नदिमा आएकाे बाढीले थप क्षेति पुग्न नदिनका लागि धेरै तिर सहयोग मागे पनि कतैबाट सहयोग नपाएपछि अहिले माझीहरु आफैं श्रमदान गरेर तटबन्ध निर्माणमा जुटेका छन् । सरकारका तिनै तहसँग सहयोगका लागि आग्रह गर्दापनि कतैबाट सहयोग नपाएपछि आफ्नो गाउँ आर्फै जोगाऊ भन्ने अभियाननै संचालन गरेर माझी समुदाय तटबन्ध निर्माणमा गर्न जुटेका छन् ।

तामाकोसी बगरबाट ढुंगा बोकेर एकसातादेखि तटबन्ध निर्माण गरिरहेका छन् । सरकारले जाली समेत उपलब्ध गराउन नसकेपछि माझीहरुले कोशिको ढुंगा संकलन गरेर तटबन्ध निर्माण गरेका हुन् । तटबन्ध निर्माण संगै अब बस्ती जोगिने कुरामा माझी समुदाय बिश्वस्त भएको स्थानीय बालकृष्ण माझीले बताए ।

श्रमदानमा जुटेका माझीहरु गत बर्ष तिहारमा देउसी खेलेर संकलन भएकाे रकमबाट खाजाकाे व्यवस्था गरिरहेका छन् “काम गर्दागर्दै भोक लाग्छ, त्यसैले खाजा खानका लागि गत बर्ष तिहारमा देउसी खेलेको पैसाले खाजाकाे व्यवस्था मिलागका छाै “स्थानीय बालकृष्ण माझी भने ।

गत बर्षको असोज महिनामा आएको बाढीले बस्ति मुनिको भाग कटान गरेर तटबन्ध बगाएपछि जोखिममा परेको गाइखुरा गाउँमा ८२ घरपरिवार माझीहरुकाे बसाेबास रहेकाे छ ।