मन्थली अस्पताललाई प्रादेशिक अस्पताल बनाउने प्रयास गरिदै : नगर पमुख श्रेष्ठ

काेसिस न्यूज १२ महिना अगाडि १२ महिना अगाडि

रामेछाप – मन्थली अस्पतालकाे चाैथाे स्थापना दिवसकाे अवसरमा आयाेजित कार्यक्रममा बाेल्दै मन्थली नगरपालिकाका प्रमुख लब श्रेष्ठले मन्थली अस्पताललाई प्रादेशिक अस्पतालकाे रुपमा विकास गर्न पहल गरिरहेका बताए ।

मन्थली अस्पताल स्वास्थ्य चाैकीबाट १५ बेडकाे मन्थली अस्पताल भएकाे ४ वर्ष पुगेकाे अवसरमा आईतबार आयाेजित कार्यक्रममा नगरप्रमुख श्रेष्ठले मन्थली अस्पताललाई सबैकाे साझा अस्पतालकाे रुपमा विकास गर्नुपर्ने बताउदै उनले ५० बेड सहित प्रादेशिक अस्पताल बनाउनु पर्ने बताएका हुन ।

कार्यक्रममा रामेछापका प्रमुख जिल्ला अधिकारी राजु प्रसाद पाैडेलले अस्पतालले नयाँ भवनबाट सेवा सुरु गरेकाेमा बधाई दिदै नयाँ भवनबाट प्रवाह हुने सेवाहरु थप प्रभावकारी हुनेमा विस्वास व्यक्त गरे ।

दिवसकाे अवसर पारेर अस्पतालकाे नवनिर्मित भवनकाे ओैपचारीक उत्घाटन गरिएकाे छ । उक्त भवन नगरप्रमुख श्रेष्ठले रिवन काटेर उत्घाटन गरेका हुन ।

साेही अवसरमा दाेैड प्रतियोगिता राखिएकाे थियाे भने अस्पतालमा उपचाररत बिरामीलाई फलफुल वितरण गरिएकाे थियाे ।

कार्यक्रम अस्पतालका व्यवस्थापन समितिका अध्यक्ष एंव नपर प्रमुख लब श्रेष्ठको अध्यक्षमा भएकाे हाे ।