गुडिरहेको स्कुटरमा मृग ठोक्किँदा चालक घाइते, थप उपचारका लागि काठमाडौं पठाइयो
रामेछाप — मन्थली नगरपालिका–१ मच्छेडाँडीमा गुडिरहेको स्कुटरमा जंगली मृग ठोक्किँदा चालक घाइते भएका छन्।
सोमबार बिहान मन्थली–रामेछाप सडकखण्डअन्तर्गत मच्छेडाँडीबाट मन्थलीतर्फ आउँदै गरेको बागमती प्रदेश ०२–०६७ प १६२३ नम्बरको स्कुटरमा एक्कासि मृग ठोक्किँदा दुर्घटना भएको जिल्ला प्रहरी कार्यालय रामेछापले जनाएको छ।
दुर्घटनामा मन्थली नगरपालिका–४ सालुका १८ वर्षीय चालक सञ्जीव तामाङ घाइते भएका छन्। उनको बायाँ हातको कुहिनो र दुवै खुट्टामा चोट लागेको छ। थप उपचारका लागि उनलाई काठमाडौं पठाइएको जिल्ला प्रहरी कार्यालय रामेछापका सूचना अधिकारी एवं प्रहरी निरीक्षक कमल राउतले जानकारी दिए।
स्कुटरको पछाडि सवार मन्थली नगरपालिका–४ का १० वर्षीय जेसीज तामाङको पेट र टाउकोमा चोट लागेको छ। उनको मन्थली अस्पतालमा उपचार भइरहेको छ ।
स्कुटरमा ठोक्किएको मृगको भने घटनास्थलमै मृत्यु भएको छ। प्रहरीले स्कुटर नियन्त्रणमा लिएर घटनाबारे थप अनुसन्धान गरिरहेको प्रहरी निरीक्षक राउतले बताए।
क्याटेगोरी : समाचार
थप समाचार
ताजा अपडेट
- १ विपद् उद्धारका लागि प्रहरीलाई एसएस फाउण्डेशनको सामग्री सहयोग
- २ रामेछापका प्रहरी प्रमुख प्रहरी नायव उपरीक्षक जैसवार ‘ उत्कृष्ट प्रहरी’ घोषित
- ३ रामेछापमा टाटाको योद्धा गाडी दुर्घटना हुँदा एक जनाको मृत्यु
- ४ तामाङ समाज यूएईद्वारा विद्यालयलाई प्रोजेक्टर सहयोग
- ५ बाढी प्रभावितलाई लक्षित गरी निःशुल्क स्वास्थ्य शिविर संचालन हुँदै
- ६ रामेछापमा वृद्ध दम्पतीलाई बन्धक बनाएर डकैती गर्ने गिरोह पक्राउ
- ७ प्रेस युनियन रामेछापको अध्यक्षमा श्रेष्ठ
- ८ प्रधानमन्त्री दैवी प्रकोप उद्धार कोषमा रकम सहयोग गरेको भन्दै नक्कली स्टेटमेन्ट बनाउने पक्राउ
प्रतिक्रिया दिनुहोस