लघुवित्त कर्मचारी मञ्चद्वारा शैक्षिक सामाग्री वितरण ,

काेसिस न्यूज २ वर्ष अगाडि २ वर्ष अगाडि

रामेछाप – लघुवित्त कर्मचारी मञ्चले जनविजय आधारभूत विद्यालयमा शैक्षिक सामाग्री वितरण गरेकाे छ । मन्थली नगरपालिका ५ सुनारपानीमा उक्त विद्यालयका विद्यार्थीलाई शैक्षिक सामाग्री वितरण गरेको हाे ।

कर्मचारी मञ्चले शुक्रबार विद्यालयमा पुगेर विद्यार्थीहरुलाई शैक्षिक सामाग्री वितरण गरेको छ । सो विद्यालयमा अध्यनरत ५४ जना दलित विद्यार्थी सहित ५८ जनालाई विभिन्न शैक्षिक समाग्रीहरु प्रदान गरिएको लघुवित्त कर्मचारी मञ्च रामेछापका काेषाध्यक्ष सर्मिला कार्कीले जानकारी दिएकी छिन् ।

मञ्चले उक्त विद्यालयका विपन्न ५ जना विद्यार्थीलाई स्कुल ड्रेस ,चप्पल ,झोला प्रदान गर्नुका साथै विभिन्न शैक्षिक सामग्री प्रदान गरिएकाे मञ्चका काेषाध्यक्ष कार्कीले जानकारी दिएकी छिन् ।

विद्यालयकाे शैक्षिक सुधार तथा विपन्न विद्यार्थीका लागि राहत दिने उद्देश्यले उक्त सामाग्री प्रदान गरेकाे मञ्चका अध्यक्ष बद्री सुवेदीले बताए ।

कार्यक्रमका साेही वडाका अध्यक्ष रबिन कार्की (नवीन) ले मञ्चले गरेकाे सहयाेग र सामाजिक कार्यप्रति खुसि व्यक्त गरेका छन् । यसैगरी विद्यालयका प्रध्यानध्यापक भगवती श्रेष्ठले मञ्चद्वारा वितरण गरिएकाे सहयाेग प्रति आभार व्यक्त गरिन् ।