प्रजिअलाई नेविसंघकाे ज्ञापनपत्र , निशेधाज्ञा फिर्ता गर्न माग

काेसिस न्यूज ३ वर्ष अगाडि ३ वर्ष अगाडि

रामेछाप – जिल्ला प्रशासन कार्यालय रामेछापले आइतबार जारी गरेकाे निशेधाज्ञा २४ घण्टा भित्र फिर्ता लिन माग गर्दै नेविसंघले प्रजिअलाई ज्ञापनपत्र बुझाएकाे छ । साेमबार नेविसंघले ज्ञापनपत्र बुझाउदै निशेधाज्ञा फिर्ता लिन माग गरेकाे हाे ।

जिल्लामा शान्ति , सुरक्षामा खलल पुग्नेखाले कुनैपनि गतिविधि नभएकाे उल्लेख गर्दै प्रशासनले नागरिककाे निर्वाधरुपमा स्वतन्त्र भएर हिडडुल गर्न,भेला हुन र कार्यक्रम गर्न पाउने संवैधानिक अधिकारलाई कुण्ठित गर्न खाेजेकाे आराेप लगाएका छन् । नेपाल विद्यार्थी संघ रामेछापका सभापति बिनाेद बुढाथोकीकाे हस्ताक्षरमा रामेछापका प्रमुख जिल्ला अधिकारी अनिता निराैलालाइ ज्ञापनपत्र बुझाएको हाे ।

जिल्ला प्रशासन कार्यालय रामेछापले आइतबार मन्थली बजारमा रहेकाे राष्ट्रिय बाणिज्य बैंक देखि जिल्ला प्रशासन कार्यालय जानेबाटाे हुँदै कृषि विकास बैंक सम्मकाे क्षेत्र र उक्त क्षेत्रकाे ५० मिटर वरपरकाे क्षेत्रमा माघ १४ गतेदेखि दुई महिनाका लागि धर्ना ,अनशन तथा ५ जना भन्दा बढी व्यक्तिहरु जम्मा भएर विरोध प्रदर्शन गर्न नपाइने गरि निशेधाज्ञा जारी गरेकाे थियाे ।

क्याटेगोरी : राजनीति, समाचार