कांग्रेस रामेछापकाे महासमिति सदस्य निर्वाचन स्थगित

काेसिस न्यूज २ वर्ष अगाडि २ वर्ष अगाडि

रामेछाप – नेपाली कांग्रेस रामेछापको महासमिति सदस्यहरुकाे निर्वाचन स्थगित भएकाे छ । पाैष ६ गते हुने भनिएकाे निर्वाचन अर्काे सुचना नआए सम्मका लागि स्थगित भएकाे हाे ।

महासमिति सदस्य निर्वाचन समितिका संयाेजक लक्ष्मण प्रसाद घिमिरेले आइतबार एक सुचना जारी गर्दै ताेकिएकाे मितिमा निर्वाचन गराउन नसकिने जानकारी दिएका छन् । घिमिरेले प्रकाशन गरेकाे सुचना अनुसार नेपाली कांग्रेस केन्द्रीय समितिले महासमिति सदस्यकाे बैठक फागुन महिनामा मात्र गर्ने भएकाे र नेपाली कांग्रेस रामेछापका सभापति पुर्ण बहादुर पुर्णबहादुर तामाङ (कान्छाराम )काे स्वास्थ्यमा समस्या देखिएर उपचाररत भएका उक्त निर्वाचन तमेकिएकाे मितिमा गर्न नसकिने जानकारी गराएका छन् । घिमिरेका अनुसार पाैष १ गते भन्दा पछाडिकाे सबै निर्वाचन प्रकृया अर्काे सुचना नआए सम्मका लागि स्थगित गरिएको छ ।

निर्वाचन समितिले निर्वाचन स्थगितकाे सुचना जारीगरेसँगै नेपाली कांग्रेस रामेछापका सचिव दिपक खड्काले भने निर्वाचन स्थगित गरेकाे प्रति आपत्ति जनाएका छन् । सचिव खड्काले समितिमा छलफलनै नगरी आफुलाइ जानकारी नै नगराई निर्वाचन स्थगित गर्ने निर्णय गरकाे भन्दै आपत्ती जनाएकाे बताए ।

महासमिति सदस्यहरुकाे निर्वाचनका लागि मंसिर २३ गते मनाेनयन दर्ता गरिएकाे थियाे । ९ महासमिति सदस्यका लागि २१ जनाकाे मनाेनयन दर्ता भएकाे छ ।

क्याटेगोरी : राजनीति, समाचार