रामेछाप – मन्थली नगरपालिकाले पालिकाकाे १४ वटै वडाका बाल क्लबका पदाधिकारीहरुलाई माइन्युट लेखन र उद्घाेषण तालिम प्रदान गरेकाे छ ।
उक्त तालिम मन्थली नगरपालिकाे सहयाेग तथा सम्बन्धित वडा कार्यलयकाे समन्वयमा वडा बाल संजालले आयाेजनामा संचालन गरेकाे हाे । तालिममा सबै वडाका वालक्लबका पदाधिकारीहरु गरि ४ सय जनालाई तालिम प्रदान गरिएकाे छ भने कार्यक्रम १४ वडाकाे मावि तथा वडा कार्यालयमा गरिएकाे नगरपालिकाकाे महिला तथा बालबालिका शाखा प्रमुख भगवती तामाङले जानकारी दिईन् ।
बालमैत्री नगर निर्माणका लागि नगरपालिकाले विभिन्न कार्यक्रमहरु संचालन गरिरहेकाे छ । उक्त कार्यक्रम अन्तर्गत बालबालिकाकाे नेतृत्व विकास तथा क्षमता वृद्धिका लागि तालिमकाे आयाेजना गरेकाे शाखा प्रमुख तामाङले बताईन् ।
त्यसैगरि तालिममा सहभागीत चनखुका विपिन बाहाेराले तालिम पश्चात् बैठक संचालन गर्न , माइन्युट लेख्न र कार्यक्रम संचालन गर्न सजिलाे हुने बताए । त्यस्तै बालबालिकाकाे अतिरिक्त क्षमता विकासका गर्न यस्ता किसिमकाे कार्यक्रम लाभदायक हुने गरेकाे मन्थली ४ का वडा अध्यक्ष राजन घिमिरेले बताए ।
कात्तिक १८ देखि २१ गते सम्म नगरका विभिन्न वडाहरुमा संचालन भएकाे तालिममा उद्धाेषण सीप सम्बन्धि पत्रकार नवराज पथिक , ज्ञानु श्रेष्ठ , युवराज श्रेष्ठ र कैलाश खत्रीले सहजीकरण गरेका थिए भने माइन्युट लेखन सम्बन्धि नगरपालिकाका उपसचिव हेमन्त बुढाथोकी ,शाखा अधिकृत उज्वल पाेख्रेल, दिपक सुवेदी र गाेविन्द कट्टेलले सहजिकरण गरेका थिए ।
क्याटेगोरी : शिक्षा, समाचार
थप समाचार
ताजा अपडेट
- १ बालिका शिक्षामा रेष्टको योगदान प्रशंसनीय
- २ रामेछाप पूर्णखोप सुनिश्चितता जिल्ला घोषणा
- ३ रामेछापको उद्योग तथा वाणिज्य कार्यालय नमुना कार्यालय
- ४ लागूऔषध नियन्त्रण सप्ताह: सचेतनाकाे कार्यक्रम देखि गाँजाकाे बाेट नष्टसम्म
- ५ प्रहरी नायब उपरीक्षक सुरज कार्की ‘सर्वोत्कृष्ट प्रदेश प्रहरी’ घोषित
- ६ जिल्ला अदालत रामेछापमा ८१.४१ प्रतिशत मुद्दा फर्छ्योट
- ७ सरकारकाे विभेदकारी निर्णय विरुद्ध पत्रकार महासंघकाे धर्ना
- ८ सगरमाथा आराेही श्रेष्ठलाई मन्थली नगरद्वारा सम्मान
धेरै पढिएका
प्रतिक्रिया दिनुहोस