रामेछाप – रामेछाप जिल्लाकाे एकमात्र संस्कृत शिक्षा पठनपाठन हुने शारदा माविले गुरु पूर्णिमाको अबसर पारेर गुरुकुल शिक्षा पठनपाठन सुरु गरेको छ । उक्त विद्यालयले साेमबार गुरुकुल शिक्षाको औपचारिक उद्घाटन गरेर पठनपाठन सुरु गरेकाे हाे ।
रामेछाप नगरपालिका ८ बावियाखर्कमा रहेकाे उक्त विद्यालयले २०७८ साल देखि संस्कृत र कर्मकाण्ड शिक्षा पठनपाठन गराउदै आएकाे थियाे । उक्त विद्यालयले साेमबारदेखि गुरुकुल शिक्षा पनि सुरु गरिएकोे बिद्यालयका प्रधानाध्याक नारायण प्रसाद घिमिरेले बताए । बिद्यालयले गुरुकुल शिक्षा सञ्चालन गर्न चन्दा संकलन तथा विद्यालयको आन्तरिक आम्दानी सहित २० लाख बराबरको कोष जम्मा गरेकाे प्रध्यानध्यापक घिमिरेले जानकारी दिए । त्यसैगरि विद्यालयले हरेक वर्ष ३०-४० विद्यार्थीलाई गुरुकुल शिक्षा प्रदान गर्ने लक्ष्य लिएकाे घिमिरेले बताए ।
गुरुकुल शिक्षा पठनपाठन संचालनकाे ओैपचारीक उद्घाटन गर्दै रामेछाप नगरपालिकाका प्रमुख लवश्री न्यौपानेले यस शिक्षालाई निरन्तरता दिन नगरको तर्फबाट पनि आबश्यक सहायोग गर्ने प्रतिबद्धता व्यक्त गरे ।
विद्यालय ब्यवस्थापन समितिका अध्यक्ष शिव प्रसाद घिमिरेको अध्यक्षतामा सम्पन्न उक्त कार्यक्रममा विद्यालयमा अध्ययनरत बिद्यार्थीहरुले विभिन्न सांस्कृतिक कार्यक्रमहरु प्रदर्शन गर्नुका साथै स्वस्ति वाचन समेत गरेका थिए ।
क्याटेगोरी : शिक्षा, समाचार
थप समाचार
ताजा अपडेट
- १ जिल्ला अदालत रामेछापमा ८१.४१ प्रतिशत मुद्दा फर्छ्योट
- २ सरकारकाे विभेदकारी निर्णय विरुद्ध पत्रकार महासंघकाे धर्ना
- ३ सगरमाथा आराेही श्रेष्ठलाई मन्थली नगरद्वारा सम्मान
- ४ रास्वपा रामेछापकाे सभापतिमा पुन : रायमाझी
- ५ बुहारीलाई खुकुरी प्रहार गर्ने ससुरा पक्राउ
- ६ हवाहुरी र चक्रिय भुमरीबाट उमाकुण्ड–२ मा क्षति
- ७ सहकारी अभियानलाई कमजोर बनाउने प्रयास भइरहेको छ : डा. परितोष पौडेल
- ८ विधि र पद्धतिमा विचलन आए समाज भयभीत हुन्छ : राष्ट्रपति पौडेल
धेरै पढिएका
प्रतिक्रिया दिनुहोस