सांस्कृतिक कलाकार समाजद्वारा पत्रकार श्रेष्ठ सम्मानित

काेसिस न्यूज वैशाख १०, २०८० १२:३७ pm

रामेछाप – सांस्कृतिक कलाकार समाज रामेछापले पत्रकार सुमित श्रेष्ठलाई सम्मान गरेको छ । शनिबार समाजकाे कल्याणकारी कोष स्थापनाको अवसरमा पत्रकार श्रेष्ठलाई सम्मान गरेकाे हाे ।

रामेछापको कला सस्कृतिकाे संरक्षण , प्रबर्द्धन तथा जगेर्ना गर्नका लागि पत्रकारीता मार्फत उल्लेख्य भुमिका खेलेकाे भन्दै समाजले पत्रकार श्रेष्ठलाई सम्मान गरेकाे छ । लामाे समयदेखि पत्रकारीता क्षेत्रमा क्रियाशील रहदै आएका श्रेष्ठ हाल ए पी वान टेलिभिजनमा जिल्ला सम्वाददाताकाे रुपमा कार्यरत छन् भने जिल्ला स्थित अक्षता दैनिक र हाम्राे अनलाइनमा कार्यरत रहेका छन् ।

श्रेष्ठलाई कार्यक्रमका प्रमुख अतिथि संस्कृति पर्यटन तथा नागरिक उड्यन मन्त्री सुदन किराँतीले सम्मानपत्रद्धारा सम्मान गरेका थिए । सम्मानित श्रेष्ठले रामेछापको कला ,संस्कृति, साहित्य र सिर्जनाकाे सम्बर्द्धन गर्नका लागि सधै आफ्नाे कलम चलिरहने प्रतिबद्धता व्यक्त गरेका छन् ।

क्याटेगोरी : मनाेरञ्जन, समाचार