रामेछाप जेसिजद्वारा विद्यार्थीका लागि ट्राक सुट वितरण

काेसिस न्यूज ४ वर्ष अगाडि ४ वर्ष अगाडि

रामेछाप – रामेछाप जेसिजले विद्यार्थीहरुलाइ ट्राकसुट वितरण गरेकाे छ । आइतबार विद्यालयमा पुगेर विद्यार्थीका लागि रामेछाप जेसिजले ट्राक सुट वितरण गरेकाे हाे ।

मन्थली नगरपालिका ४ काे आधारभुत विद्यालय सामलीस्थानमा र देविस्थान आधारभुत विद्यालयमा अध्ययनरत ६० जना विद्यार्थीका लागि जेसिजले ट्राकसुट वितरण गरेकाे छ ।

कार्यक्रमका प्रमुख अतिथि नेपाल शिक्षक संघका पुर्व अध्यक्ष लक्ष्मण घिमिरेले अभिभावलाई आफ्नाे बाच्चाकाे पढाइ कस्ताे छ भनेर विद्यालयसँग बुझ्ने र घरमा पनि बच्चाको पढाइमा ध्यान दिन आग्रह गरेका छन् । त्यसैगरि शिक्षकले पनि विद्यार्थी विद्यालय आएन अथवा पढाईमा सुधार गर्न सकिरहेको छैनभने अभिभावकसँग समन्वय गरेर अघि बढ्न आग्रह गरेका छन् ।

त्यसेैगरि कार्यक्रममा वडा अध्यक्ष राजन घिमिरेले कुनैपनि बालबालिकालाई पढ्नबाट बच्चित नगर्न अभिभावकलाई आग्रह गरेका छन् । त्यसैगरि विद्यार्थीकाे कपि कलम सकिए वडा अध्यक्षलाई संझनु भन्दै बालबालिकालाई विद्यालय पठाउन आग्रह गरे ।

कार्यक्रममा रामेछाप जेसिज वर्ष २०२३ का नवनिर्वाचित रामकुमार बस्नेत ,२०१९ का अध्यक्ष राजकुमार केसि, जेसिज वर्ष २०२० का अध्यक्ष गाेपाल खड्का , जेसिज वर्ष २०२२ का अध्यक्ष रामहरि सापकोटा लगाएत पदाधिकारीहरुकाे सहभागीता रहेकाे थियाे ।

क्याटेगोरी : शिक्षा, समाचार