रामेछाप – मंसिर १४ गते रामेछापको गोकुलगंगा गाउँपालिकाको फर्पुमा भएको जीप दुर्घटनामा परी ज्यान गुमाएकाका परिवारलाई बेणी त्रिबेणी यातायातले समितिले सहमति बमोजिमको काजकृया खर्च उपलव्ध गराएको छ ।
बिहिबार उक्त यातायात समितिका अध्यक्ष कमलबहादुर भुजेलले मृतक प्रति श्रद्धाञ्जली दिदै उनीहरुका परिवारलाई काजकृया बापतको रकम उपलब्ध गराएका छन् । काठमाण्डौंबाट बेताली तर्फ जादै गरेको सो यातायातको फोर्स जीप फर्पुमा दुर्घटना हुदा गोकुलगंगा गाउँपालिका वडा नम्बर ४ का वडा अध्यक्ष रामचन्द्र वस्नेत सहित ५ जनाको घटनास्थलमानै ज्यान गएको थियो । दुर्घटनामा परी ३ जना घाईते भएका थिए । घाईतेहरुको काठमाण्डौंमा उपचार भइरहेको छ ।
दुर्घटनामा परेर मृत्यू भएकाको काजकृया बापतकाे रकम यातायात समितिले प्रति मृतक ५० हजार रुपैयाँ उपलव्ध गराएको छ भने एकै परिवारका २ जना मृत्यू भएका परिवारलाई भने १ लाख ५० हजार काजकृया खर्च उपलव्ध गराइएको अध्इक्ष भुजेलले वताएका छन् । भुजेलका अनुसार विमा वापतको अन्य रकम मागदावि गर्नका लागि प्रकृया समेत सुरु गरिएको छ ।
रामेछाप उद्योग वाणिज्य संघका अध्यक्ष नविनकुमार थापामगरले समेत मृतकहरु प्रति श्र्रद्धाञ्जली दिदै शोकाकुल परिवारजनमा समवेदना प्रकट गरेका थिए ।
क्याटेगोरी : विविध
थप समाचार
ताजा अपडेट
- १ जिल्ला अस्पताल रामेछापमा एकै दिन १ सय ४५ ले लिए विशेषज्ञ सेवा
- २ विधि प्रकृया र प्रचलित कानुन बमोजिम काम गर्छाै : प्रजिअ पाैडेल
- ३ प्याब्सन रामेछापको अध्यक्षमा पुनः तिमल्सिना
- ४ रुद्राक्ष समाजद्वारा शैक्षिक सामग्री वितरण
- ५ लोकतान्त्रिक खेलकुद संघ रामेछापकाे अध्यक्षमा पाैडेल
- ६ टिफरबाट खसेर घाइते युवककाे मृत्यु
- ७ मानवीय रिपोर्टिङ सम्बन्धि तालिम
- ८ स्वर्गीय राजनारायणकाे स्मरणमा स्मृति ग्रन्थ
प्रतिक्रिया दिनुहोस