चनखुमा ट्रक दुर्घटना , चालक सहित ३ जना घाइते

काेसिस न्यूज २ वर्ष अगाडि २ वर्ष अगाडि

रामेछाप – मन्थली नगरपालिका १० चनखुमा ट्रक दुर्घटना हुदा चालक सहित ३ जना घाइते भएका छन् । चनखुबाट मन्थली तर्फ आउने क्रममा दुर्घटना भएकाे जिल्ला प्रहरी कार्यालय रामेछापले जनाएकाे छ ।

जिल्ला प्रहरी कार्यालय रामेछापकाे अनुसार साेमबार साझ ८: ३० बजेकाे समयमा चनखुकाे लामा टोलबाट बाँस लिएर मन्थली तर्फ जानेक्रममा बा ५ ख ८०७१ नम्बरको ट्रक आफै अनियन्त्रित भई सडकबाट अन्दाजी १०० मिटर तल खसेर दुर्घटना भएकाे हाे । उक्त ट्रक दुर्घटनामा परि चालक सहित ३ जना घाइते भएका छन् । घाइते हुनेहरुमा ट्रक चालक खाडाँदेवी ५ पकरबासका बर्ष ३८ को राजु ढुङ्गेल र ट्रकमा सवार अन्य दुई जना सामान्य घाइते भएकाे प्रहरीले जानकारी दिएकाे छ ।

प्रहरीका अनुसार चालक ढुङ्गेलकाे दायाँ आखा माथि निधारमा चोट अवस्था मध्यम रहेको छ भने अन्य २ जना सामान्य घाईते भएको र सामान्य उपचार समेत नगरि आ-आफ्नो घर गएका छन् ।

क्याटेगोरी : विविध, समाचार