सुनारपानिमा एक घर एक ड्रैगन फ्रुट राेपियाे

काेसिस न्यूज २ वर्ष अगाडि २ वर्ष अगाडि

रामेछाप – मन्थली नगरपालिका वडा नम्बर ५ सुनारपानिमा एक घर एक ड्रैगन फ्रुटकाे विरुवा राेपिएकाे छ । भदाैरे कालिका कृषि तथा पशुपंक्षी फामसँगकाे समन्वयमा बुधबार वडाले एक घर एक विरुवा वितरण गरेपछि उक्त बिरुवा राेपिएकाे हाे ।

मन्थली ५ सुनारपानिलाई ड्रैगन हब बनाउने उद्देश्यले वडाले प्रत्येक घरमा पुग्ने गरि उक्त विरुवा वितरण गरेकाे वडा अध्यक्ष रवीन कार्की (नवीन)ले बताए । वडा अध्यक्ष कार्कीले भने वडाका अधिकांश जग्गा सुख्खा भएकाे र अन्य खेतिबाली खासै नहुने भएकाले सुख्खा भुभागका लागि उपयुक्त ठानेर ड्रैगनकाे विरुवा वितरण गरेर किसानलाई ड्रैगन खेति प्रति प्रेरित गर्न खाेजिएकाे बताए । यसरी वडाले विरुवा दिएपछि बिस्तारै किसानहरु याे खेतिका लागि चासाे राख्ने र आफै व्यवसायीक रुपमा खेति सुरु गर्ने विस्वासका साथ विरुवा वितरण गरिएकाे अध्यक्ष कार्कीले बताए ।

भदौरे कालिका कृषि तथा पशुपपंक्षीका फामका संचालक रामजी शाहीको सहयोगमा उक्त बिरुवा वडाका ४७० घरमा वितरण गरेकाे हाे ।

क्याटेगोरी : विविध, समाचार