पर्यटन प्रबर्द्धनमा व्यवसायी संघ

काेसिस न्यूज २ वर्ष अगाडि २ वर्ष अगाडि

रामेछाप – रामेछापकाे सदरमुकाम मन्थलीमा हाेटल तथा पर्यटन व्यवसायी संघ बागमती प्रदेशकाे चाैथाे साधारण सभा हुने भएकाे छ । संघले बिहीबार पत्रकार सम्मेलन मार्फत यहि चैत्र ३ गते तिनलाल पार्क मन्थलीमा साधारण सभा हुने भएकाे जानकारी गराएकाे हाे ।

कार्यक्रममा हाेटल तथा पर्यटन व्यवसायी संघ बागमती प्रदेशका अध्यक्ष दामाेदर नेपालले संघले प्रदेशका विभिन्न जिल्लाहरुमा कार्यक्रम गर्ने र जिल्लाहरुकाे पर्यटन प्रबर्द्धनमा सहयाेग गर्ने हेतुले यस पटक रामेछापमा साधारण गर्न लागेकाे बताए । उनले रामेछाप जिल्ला पनि पर्यटनकाे सम्भावना भएकाे जिल्ला भएकाे र कार्यक्रमले जिल्लाकाे प्रचारसँगै पर्यटन प्रबर्द्धनमा थप मद्दत पुग्ने बताए ।

कार्यक्रम संघिय सांसद पुर्ण बहादुर तामाङ (कान्छाराम)काे प्रमुख आतिथ्यतामा हुने तय भएकाे छ । यसेैगरि कार्यक्रम बागमती प्रदेश भित्रका १३ जिल्लाका व्यवसायी संघहरुकाे प्रतिनिधिहरु १८१ जनाकाे सहभागीता रहने छ भने जिल्लाका व्यवसायी तथा अतिथि तथा अन्य गरि ५ सय जना भन्दा बढीकाे सहभागीता रहने अनुमान गरिएकाे संघका अध्यक्ष नेपालले जानकारी दिए ।

क्याटेगोरी : विविध, समाचार