शिक्षकले तलब नपाए पछि मन्दर मेलचौर माविको पठनपाठन ठप्प

काेसिस न्यूज २ वर्ष अगाडि २ वर्ष अगाडि

रामेछाप- सुनापती गाउँपालिका २ डिमीपोखरीको श्री माध्यमिक विद्यालय मन्दर मेलचौरको शिक्षकले तलब नपाएको भन्दै पठनपाठन ठप्प गरेका छन् । लामो समयदेखि पालीका र विद्यालय व्यवस्थापन समितिबिच विवाद हुँदा शैक्षिक सत्र सुरु भएदेखी नै उक्त विद्यालयका शिक्षकले तलब नपाएको भन्दै पठनपाठन ठप्प गराएका छन् ।

उक्त विद्यालयमा कार्यरत शिक्षक तथा कर्मचारीले आइतबार संयुक्त विज्ञप्ति जारी गदै वैशाखदेखि हालसम्म पनि तलब भत्ता नपाएकोले विद्यालयमा कार्यरत सम्पूर्ण शिक्षक तथा कर्मचारी विद्यालयमा उपस्थित हुने तर अध्यापन कार्य नगर्ने निर्णय गरेको विज्ञप्तिमा उल्लेख छ ।

गाउँपालिका र विद्यालय व्यवस्थापन समितिको विवादका कारण विद्यालयमा कार्यरत शिक्षक तथा कर्मचारीले तलब नपाएको आरोप लगाउदै आफ्नो माग पुरा नभएसम्म विद्यालयको पठनपाठन बन्द गर्ने जारी विज्ञप्तीमा उल्लेख गरेका छन् ।

क्याटेगोरी : शिक्षा, समाचार