एकबर्ष सम्पर्क समितिलाई कुनैपनि गतिविधि नगर्न सभापति तामाङकाे आग्रह

काेसिस न्यूज २ वर्ष अगाडि २ वर्ष अगाडि

काठमाडौ -नेपाली कांग्रेस रामेछापका सभापति पुर्ण बहादुर तामाङ (कान्छाराम) ले रामेछाप काठमाडौ सम्पर्क समितिलाई अबकाे एकबर्ष कुनैपनि गतिविधि नगर्न आग्रह गरेकाे छ ।
सभापति तामाङले आइतबार शाेकसभा बाेल्दै सम्पर्क समितिका सभापतिकाे निधनले शाेकमा भएकाे भन्दै अबकाे एकवर्ष कुनैपनि गतिविधि नगर्न आग्रह गरेकाे हाे ।

नेपाली कांग्रेस रामेछाप काठमाडौ सम्पर्क समितिले सभापति स्वर्गीय राजनारायण श्रेष्ठको १३ ओैं पुण्य तिथिमा आयाेजना गरेकाे शाेकसभामा बाेल्दै सभापति तामाङले श्रेष्ठलेकाे निधनले परिवारिक ,राजनितीक र समाजिक सबै क्षेत्रमा ठुलो क्षति पुगेकाे बताए । त्यसैगरी सम्पर्क समितिलाई चलाएमान बनाउन श्रेष्ठको महत्त्वपूर्ण देन रहेकाे बताए । सभापति तामाङले स्वर्गीय राजनारायण श्रेष्ठको सम्मान स्वरुप उहाँको परिवारलाई आवस्यक राजनीतिक सहयाेग गर्न पार्टी सधै तयार रहने प्रतिबद्धता जनाए । त्यस्तै श्रेष्ठले आफ्नाे जीवनकाल भरी सधै पार्टी र संगठनकाे मात्र चिन्ता गर्ने गरेकाे बताउदै सभापति तामाङले स्वर्गीय श्रेष्ठकाे याेगदानलाई कदर गर्दै उनकाे सम्मानमा कुनै कसुर नछाड्ने समेत प्रतिज्ञा व्यक्त गरे ।

सभापति श्रेष्ठको निधन यहि पाैष १० गते हदृयघातका कारण भएको थियाे । सम्पर्क समितिले श्रेठकाे १३ ओै पुण्यतिथिमा मध्येबानेश्वरमा रहेकाे सनराई क्याफेमा शाेक सभाकाे आयाेजना गरेकाे थियाे । उक्त शाेक सभा नेपाली कांग्रेसका महामन्त्री गगनकुमार थामाकाे प्रमुख आतिथ्यतामा भएकाे थियाे भने समितिका उपाध्यक्ष प्रदिप बस्नेतकाे अध्यक्षतामा भएकाे थियाे ।

क्याटेगोरी : राजनीति, समाचार