जितिया पर्वमा शुभकामना आदानप्रदान

काेसिस न्यूज ३ वर्ष अगाडि ३ वर्ष अगाडि

हेटौंडा – थारु महिलाहरुकाे महान पर्व जितिया पर्वमा
शुभकामना आदनप्रदान कार्यक्रम गरि मनाईएको छ । शनिबार थारु महिला सभा मकवानपुरले थारु कल्याणकारिणी सभा मकवानपुरसँगको समन्वयमा शुभकामना आदान प्रदान गरेकाे हाे ।

कार्यक्रममा हेटौंडा उपमहानगरपालिकाकी मेयर मिनाकुमारी लामाले भाषा, संस्कृतिको संरक्षणमाआदिवासी जनजाति महिलाको महत्त्वपूर्ण रहेको बताएकी छिन् । लामाले स्थानीय सरकार विभिन्न जातजाति , समुदायको संस्कार , संस्कृतीको संरक्षणमा गम्भीर रहेको भन्दै सहयोगको प्रतिवद्धता समेत जनाईन् ।

त्यस्तै कार्यक्रममा आदिवासी जनजाति महासंघका जिल्ला उपाध्यक्ष लिलाकुमार घलानले जितिया पर्व थारु महिलाको स्वास्थ्य र पारिवारिक दृष्टीले राम्रो भएको भन्दै थारुसहित आदिवासी, जनजातिको संस्कार, संस्कृति जगेर्ना गर्न सरकारले पनि सहयोग गर्नुपर्ने बताए ।

फोनिजका संघीय प्रतिनिधी सुरेश श्रेष्ठले चार्डपर्वहरुलाई मौलिकरुपमा मनाउँदै नयाँ पुस्तमा हस्तान्तरण गर्न ध्यान दिनुपर्नेमा जोड दिनुपर्ने बताए ।

कार्यक्रम थारु महिला सभा मकवानपुरकी सभापति
दौपतीदेवी चौधरीको अध्यक्षतामा भएको थियो भने हेटौंडा उपमहानगरपालिकाकी मेयर मिनाकुमारी लामाको प्रमुख आतिथ्य तथा नेपाल आदिवासी जनजाति महासंघ मकवानपुरका उपाध्यक्ष लिलाकुमार घलान र नेपाल आदिवासी जनजाति पत्रकार महासंघ(फोनिज)का संघीय प्रतिनिधी एवं मकवानपुरबहुमुखी क्याम्पसका प्राध्यापक सुरेश श्रेष्ठको विशेष आतिथ्य रहेको थियो ।

कार्यक्रममा परम्परागत थारु भेषभुषामा सजिएर महिलाहरुले गित, नृत्य सहित विभिन्न प्रतिभा प्रस्तुत गरेका थिए ।

क्याटेगोरी : मनाेरञ्जन, समाचार