माअाेवादी केन्द्रबाट प्रतिनिधि सभा सदस्यमा रामेछापबाट प्रत्यक्षमा ६ जना सिफारिस

काेसिस न्यूज ४ वर्ष अगाडि ४ वर्ष अगाडि

रामेछाप -नेपाल कम्युनिष्ट पार्टी (माओवादी केन्द्र) रामेछापले
प्रतिनिधि सभा सदस्यका लागि प्रत्क्षमा ६ जनालाई सिफारिस गरेकाे छ ।

मंगलबार बसेकाे माअाेवादी केन्द्र रामेछापको बैठकले आगामी ४ मंसिरमा हुने निर्वाचनको लागि उम्मेदवार सिफारिस गरेको हाे । बैठकले संघ र प्रदेशको लागि उम्मेदवार सिफारिस गरेको छ ।

बैठकले प्रतिनिधिसभाको लागि प्रत्यक्षमा ६ जनाको नाम सिफारिस गरेको छ भने समानुपातिकका लागि ५ जनाकाे नाम सिफारिस गरेकाे छ । प्रतिनिधि सभा सदस्य प्रत्यक्षतर्फका लागि सिफारिस हुनेहरुमा बहालबाला सांसद श्याम कुमार श्रेष्ठ (कुशल), पोलिष्टव्यूरो सदस्य युवराज चौलागाईं, पूर्वसांसद डिल्लीमान तामाङ, पूर्वदोरम्बा सैलुङ गाउँपालिका अध्यक्ष कमान सिंह मोक्तान, पूर्वसांसद लक्ष्मी गुरुङ र विक्रम राना मगर रहेका छन् ।

त्यसैगरि समानुपातिक तर्फ ५ जनाको नाम सिफारिस भएका छन् । सिफारिस हुनेहरुमा नरेशबाबु श्रेष्ठ, श्याम नारायण श्रेष्ठ, सुनिता गौतम, उद्धव रम्तेल र श्रीबहादुर माझी रहेका छन् ।

क्याटेगोरी : राजनीति, समाचार