पक्षघातका बिरामीलाई निःशुल्क ओैषधी उपलब्ध गराइने

काेसिस न्यूज १ वर्ष अगाडि १ वर्ष अगाडि

काठमाडौ – पक्षघातको बिरामीकाे उपचारमा प्रयोग हुने औषधी निःशुल्क उपलब्ध गराइने भएकाे छ । स्वास्थ्य तथा जनसंख्यामन्त्री प्रदीप पौडेलले उक्त ओैषधी नि:शुल्क उपलब्ध गराउने बताएका छन् ।

अमेरिकी सहयोगमा प्राप्त औषधी संघीय तथा प्रदेश अस्पतालमार्फत निःशुल्क वितरण गरिने व्यवस्था मिलाइने मन्त्री पौडेलको बताए । थ्रोम्बोलाइटिक ड्रग्स नामक पक्षघातको औषधी निकै महंगो हुने भएकाे र धेरैले ज्यान गुमाउने गरेकाे तथ्यांक रहेकाे मन्त्री पाैडेलले जानकारी दिए ।”उपचार गर्न सकिने भए पनि औषधी दुर्लभ र महँगो हुँदा धेरैको ज्यान जाने गरेको पायौं,’ पोखरामा आयोजित एक कार्यक्रममा मन्त्री पौडेलले भने,‘त्यसैले जीवनरक्षाका लागि सरकारले नै औषधी प्रदान गर्ने व्यवस्था मिलाउन लागेका हौँ ।”
अमेरिकी च्यारिटी डाइरेक्ट रिलिफ र मन्त्रालयबीच यससम्बन्धी सहयोगका लागि हस्ताक्षर भएको छ । संस्थाले पाँच वर्षसम्मका लागि यस्तो औषधी सरकारको मागका आधारमा उपलब्ध गराउने प्रतिबद्धता जनाएको मन्त्रालयका जनाएको छ ।

थ्रोम्बोलाइटिक ड्रग्स नामक औषधीको एक मात्रा सेवन गरेमा धेरैको ज्यान जोगिने चिकित्सकहरूले बताउने गरेका छन् । यो औषधीको एउटा मात्राको मूल्य नेपालमा झण्डै एक लाख ३८ हजार पर्छ । र, सहजै उपलब्ध नहुने भएकाले पनि धेरैको ज्यान गइरहेको छ ।

क्याटेगोरी : समाचार, स्वास्थ्य