मन्थलीमा एक दिने तनाव विसर्जन कार्यक्रम
रामेछाप – मन्थलीमा एक दिने तनाव विसर्जन कार्यक्रम भएको छ । जिल्ला आयुर्वेद स्वास्थ्य केन्द्र मन्थलीको आयोजना तथा जिल्ला प्रशासन कार्यालय रामेछाप र जीवन विज्ञानको समन्वयमा कार्यक्रम सम्पन्न भएको हो ।
जिल्ला स्थित सरकारी कार्यालयका राष्ट्र सेवक कर्मचारीहरूका लागि एक दिने तनाव विसर्जन कार्यक्रम राखिएको थियाे । कार्यक्रममा तनाव न्यूनीकरण सहितको ऊर्जा ध्यान,निर्विकार क्रिया,निर्मलीकरण क्रिया लगायत स्वजागरण ध्यान विधि पनि गराइएको थियो ।
कार्यक्रमका प्रमुख अतिथि रामेछापकी प्रमुख जिल्ला अधिकारी अनिता निरौलाले तनाव विसर्जन कार्यक्रमले राष्ट्रसेवक कर्मचारीलाई कामकाे चाप तथा थकानलाई व्यवस्थापन गर्न र सेवा गर्न उर्जा प्राप्तिमा सहयाेग पुग्ने बताइन । यसैगरी दिनानुदिन आत्महत्याका घटना बढिरहेकोले तनाव विसर्जन कार्यक्रमले आत्महत्या न्यूनीकरण गर्न पनि महत्त्वपूर्ण भूमिका खेल्ने बताएकी छिन् ।
त्यस्तै कार्यक्रममा जिल्ला आयुर्वेद केन्द्र रामेछापका प्रमुख डाक्टर नन्दन कँडेलले कार्यक्रमले स्वास्थ्य रहन र दैनिकीलाई सहजीकरण गर्न मद्दत पुग्ने विस्वास व्यक्त गरेका छन् ।
कार्यक्रममा सहभागीहरुले कार्यक्रम प्रभावकारी भएकाे बताएका छन् । उक्त कार्यक्रमले तनाव विसर्जन गर्न महत्त्वपूर्ण भूमिका खेलेको सहभागीहरूकाे भनाई छ । उनिहरुले आफ्नो जिम्मेवारी पुरा गर्न योग,ध्यान,प्राणायाम हरेक दिन गर्नु पर्ने महसुस गरेको बताएका छन् ।
तनाव विसर्जन कार्यक्रमकाे सहजीकरण जीवन विज्ञानका प्रशिक्षक होमनाथ आचार्य र बिन्दा आचार्यले गरेका थिए ।
कार्यक्रममा जिल्ला स्थित सरकारी कार्यालयका प्रमुख तथा प्रतिनिधि , जीवन विज्ञानका प्रशिक्षक शशि श्री पौडेल,मुना आचार्य लगायत जिल्लाका ६५ भन्दा बढी कर्मचारीहरूको उपस्थित रहेका थियो ।
क्याटेगोरी : समाचार, स्वास्थ्य
ताजा अपडेट
- १ वनमा आगाे लगाउदै हिडेकाे आशंकामा एक युवक पक्राउ
- २ तारकेश्वरमा आँखा शिविर , मोतियाविन्दु देखिएका ३१ जनाको निःशुल्क शल्यक्रिया गरिने
- ३ लोकतन्त्रमा अनुशासित नेतृत्व र नैतिकता आवश्यक
- ४ राष्ट्रपति पौडेल र कतारका अमिरबीच भेटवार्ता
- ५ राष्ट्रपति पौडेलद्वारा कतारका अमिरलाई विमानस्थलमा स्वागत
- ६ आगाेलागिबाट साघुटारमा ६ घर जलेर नष्ट,आगाे नियन्त्रणमा ल्याउने प्रयास जारी
- ७ Solar Panels And Expenses Involved
- ८ जिल्ला प्रशासन कार्यालय रामेछापले सार्वजनिक विदामा पनि नियमित सेवा प्रवाह गर्ने
प्रतिक्रिया दिनुहोस