राष्ट्रपति पाैडेललाई उपचारका लागि दिल्ली लगिदै

काेसिस न्यूज ३ वर्ष अगाडि ३ वर्ष अगाडि

काठमाडौ – राष्ट्रपति रामचन्द्र पौडेललाई उपचारका लागि नयाँ दिल्ली लगिदै छ । पाैडेललाइ केहीबेरअघि श्री एयरको एयर एम्बुलेन्समार्फत दिल्ली लगिएको हो ।

राष्ट्रपति पौडेललाइ दिल्लीस्थित अल इन्डिया इन्स्टिच्युट अफ मेडिकल साइसेन्स (एम्स) मा उपचार गराइने छ । राष्ट्रपति पौडेलको स्वास्थयमा समस्या देखिएपछि त्रिवि शिक्षण अस्पताल भर्ना गरिएको थियो ।

राष्ट्रपति पौडेललाई एक साता अघि ग्यास्ट्रिकको समस्या देखिएपछि महाराजगञ्जस्थित त्रिवि शिक्षण अस्पतालमा उपचारका लागि भर्ना गरिएको थियो । पुन: सोमबार फलोअपका लागि राष्ट्रपति पौडेल अस्पताल पुगेका थिए ।
उनलाई व समस्या बढेपछि उनलाई मंगलबार बिहान फेरि अस्पताल भर्ना गरिएको थियो ।

पाैडेलकाे स्वास्थ्यमा थप समस्या देखिएपछि नेपाल र भारतका चिकित्सकको सल्लाहमा भारत लैजाने कुरा भएको राष्ट्रपतिका प्रेस सल्लाहकार किरण पोखरेलले बताएका छन् ।

राष्ट्रपति पौडेललाई विदाई गर्न गृहमन्त्री नारायणकाजी श्रेष्ठ, परराष्ट्रमन्त्री एनपी साउद त्रिभुवन अन्तराष्ट्रिय विमानस्थल पुगेका थिए ।

क्याटेगोरी : समाचार, स्वास्थ्य