मन्थलीमा प्रथम नगरकप भलिबल शुरु

काेसिस न्यूज ४ वर्ष अगाडि ४ वर्ष अगाडि

रामेछाप । रामेछापको मन्थली नगरपालिकामा प्रथम नगर कप रनिङशिल्ड पुरुष भलिवल प्रतियोगिता आईतबार देखि शुरु भएको छ । प्रतियोगिताको मन्थली नगरपालिकाका प्रमुख लब श्रेष्ठले उद्घाटन गरेका छन् ।
मन्थली नगरपालिका खेलकुद विकास समितिका अध्यक्ष गोपाल माझीको अध्यक्षतामा भएको उद्घाटन कार्यक्रममा नगर प्रमुख लब श्रेष्ठले यस अघि मेयर कपले चिनिएको उक्त प्रतियोगितालाई अझ बढी नागरिकको अपनत्व हुने गरी नगरकप को नामाकरण गरीएको वताए । यस अघी उक्त प्रतियोगिताको नाम मेयर कप रहदै आएको थियो । उद्घाटन कार्यक्रममा केहिले मेयर कपको नाम परिवर्तन गरिएकोमा गुनासो गरेका थिए ।
कार्यक्रममा उप प्रमुख इश्वरी वस्नेत , प्रमुख जिल्ला अधिकारी शोभाखर रेग्मी, नेपाल पत्रकार महासंघका अध्यक्ष बद्री नयाँघरे, गैसस महासंघ जिल्ला शाखाका अध्यक्ष रत्न कँडेल, रामेछाप उद्योग वाणिज्य संघका सचिव सुरेश उदास लगाएतले खेलकुद प्रतियोगिता अनुसाशित ढंगले संचालनका लागि शुभकामना दिएका थिए ।
प्रतियोगितामा मन्थली नगरपालिकाका १४ वटा वडाको टिमको सहभागिता रहेको छ । उद्घाटन खेलमा मन्थली १ ले मन्थली २ टिमलाई सोझो सेटमा पराजित गरेको थियो । लिग कम नकआउट चरणमा हुने उक्त प्रतियोगिता मंगलबार सम्म संचालन गरिने आयोजकले जनाएको छ ।

क्याटेगोरी : खेलकुद, समाचार