बोयर बोका वितरण

काेसिस न्यूज ३ वर्ष अगाडि ३ वर्ष अगाडि

रामेछाप । उन्नत पशु नश्ल सुधार कार्यक्रम अन्तरगत प्रधानमन्त्री कृषि आधुनिकीकरण परियोजना रामेछापले किसानहरुलाई बोयरको बोका वितरण गरेको छ ।
बोयर जातको (७५ प्रतिशत ) बोका ५० प्रतिशत अनुदानमा किसानलाई वितरण गरीएको हो । अनुदानका बोयर बोकाहरु शनिबार मन्थलीमा आयोजित कार्यक्रममा बागमति प्रदेश सभा सदस्य आनन्द कुमार श्रेष्ठले किसानलाई वितरण गरेका थिए । वितरित बोकाहरु विभिन्न .पशु समूह, सहकारी र फार्मले वुझेका छन् ।
केहि बर्ष देखि रामेछापमा कार्यक्रम संचालन गर्दै आएको परियोजनाले मन्थली नगरपालिका, खांडादेवि गाउंपालिका र सुनापति गाउंपालिकामा बाख्रा जोन कार्यक्रम लागू गरी उन्नत जातको बोका पाठी वितरण, खोर निर्माण, पानी पोखरी निर्माण , मेसिनरी औजार , औषधि र उपचार लगाएतमा किसानलाई सघाउदै आएको छ ।
जिल्ला समन्वय समितिका उप प्रमुख प्रेमसागर थापाको अध्यक्षतामा भएको उक्त कार्यक्रममा मन्थली नगरपालिकाका प्रमुख लब श्रेष्ठले किसानलाई सरकारले विभिन्न सेवा सुविधा उपलव्ध गराएको उल्लेख गर्दै लगानीको उच्चतम सदुपयोग हुनु पर्नेमा जोड दिए । गाउंमा वस्ने युवाशक्ति कमी भएको बेला व्यवसायीक रुपमा पशु तथा कृषि पेशा अगांल्ने किसानलाई स्थानीय सरकारले पनि सघाउदै आएको उनले वताए । कार्यक्रममा नेपाल पत्रकार महासंघका जिल्ला अध्यक्ष बद्री नयांघरे र परियोजना प्रमुख थिरलाल गैहे्रले समेत परियोजनाको सहयोगले नश्ल सुधार भई पशुपालक किसानले बढी भन्दा बढी लाभ लिन सक्ने वताएका थिए ।

क्याटेगोरी : अर्थ, समाचार