पत्रकार महासंघ रामेछापद्वारा पत्रकार रजककाे परिवारलाई आर्थिक सहयोग

काेसिस न्यूज ९ महिना अगाडि ९ महिना अगाडि

रामेछाप – राजावादीहरुकाे प्रदर्शनको क्रममा चेत्र २५ गते काठमाडौंको तीनकुनेमा भएकाे आगलागीमा परि ज्यान गुमाएका पत्रकार सुरेश रजककाे परिवारलाई नेपाल पत्रकार।महासंघ रामेछापले आर्थिक सहयोग उपलब्ध गराएकाे छ ।

प्रदर्शनकारीले तिनकुनेमा एक घरमा आगो लगाएर हत्या गरिएकाे पत्रकार रजकको परिवारलाई भेटेर साेमबार महासंघले ३० हजार नगद सहयोग उपलब्ध गराएकाे हाे ।

पत्रकार महासंघ रामेछापका उपाध्यक्ष युनिक विफा घिसिङ, कोषाध्यक्ष युवराज श्रेष्ठ र पूर्व अध्यक्ष हिमाल ढुङ्गेलले पत्रकार रजकका परिवारलाई सहयोग रकम हस्तान्तरण गरेका हुन ।

एभिन्युज टेलिभिजनमा कार्यरत पत्रकार रजकको परिवारलाई पत्रकार महासंघ रामेछाप शाखाको तर्फबाट ७ हजार २६९ रुपैयाँ र महासंघ रामेछापका सदस्यहरूबाट स्वक्षिक रूपमा सङ्कलन भएको २२ हजार ७३१ गरी ३० हजार रुपैयाँ सहयोग रकम हस्तान्तरण गरिएको कोषाध्यक्ष श्रेष्ठले जानकारी दिए ।

क्याटेगोरी : अर्थ, समाचार